'ചതി' വയനാട്ടിലെ ഗോത്രജനതയുടെ ജീവിതക്കാഴ്ചയെന്ന് സംവിധായകന്
1020 views
വയനാട് വീഡിയോസ് സബ്സ്ക്രൈബ് ചെയ്യൂപ്രദര്ശനം തുടരുന്നതിനിടെ ഫിലിം ക്രിട്ടിക്സ് അവാര്ഡ് സ്വന്തമാക്കിയ വയനാടിന്റെ പശ്ചാത്തലത്തില് ഒരുക്കിയ 'ചതി' സിനിമ ഗോത്രജനതയുടെ സന്തോഷവും സങ്കടവും നിറഞ്ഞ ജീവിതത്തിന്റെ നേര്ക്കാഴ്ചയാണെന്ന് സംവിധായകന് ശരത്ചന്ദ്രന് വയനാട്. സിനിമ പ്രേക്ഷകരുടെ മികച്ച പ്രതികരണവുമായി പ്രദര്ശനം തുടരുന്നതില് സന്തോഷമുണ്ടെന്നും വയനാട്പ്രസ്സ് ക്ലബ്ബില് നടത്തിയ വാര്ത്താസമ്മേളനത്തില് അദ്ദേഹം പറഞ്ഞു. സിനിമയില് കരിന്തണ്ടനെന്ന ചരിത്രപുരുഷനായി അഭിനയിക്കാന് സാധിച്ചത് ജീവിതത്തിലെ മറക്കാനാവാത്ത അനുഭവമാണെന്ന് നടന് അബുസലീമും പറഞ്ഞു. വയനാടിന്റെ പ്രകൃതി മനോഹാരിതയില് ആക്ഷനും, സെന്റിമെന്റ്സിനും, പ്രണയത്തിനും പ്രാധാന്യം നല്കി മെയ് 12ന് പുറത്തിറങ്ങിയ 'ചതി'ക്ക് പ്രേക്ഷകരുടെയും, നിരൂപകരുടെയും മികച്ച അഭിപ്രായമാണ് തീയേറ്ററില് നിന്നും ലഭിക്കുന്നത്.