Pulppally Grama Panchayat: കട്ടിലുകള്ക്ക് ഗുണനിലവാരമില്ല; തിരിച്ചയച്ച് പഞ്ചായത്ത്
1010 views
വയനാട് വീഡിയോസ് സബ്സ്ക്രൈബ് ചെയ്യൂവയോജനങ്ങള്ക്കായി വിതരണം ചെയ്യാനായി എത്തിച്ച കട്ടിലുകള് ഗുണനിലവാരമില്ലാത്തതിനെ തുടര്ന്ന് തിരിച്ചയച്ചു. പുല്പ്പള്ളി ഗ്രാമപഞ്ചായത്തിലാണ് സംഭവം. കരാറുകാരൻ സാമ്പിള് കാണിച്ച ഗുണനിലവാരത്തിലുള്ള കട്ടിലുകളല്ല വിതരണത്തിനെത്തിച്ചത്. ഇത് ശ്രദ്ധയില്പ്പെട്ട പഞ്ചായത്ത് അധികൃതര് കട്ടിലുകള് തിരികെ കൊണ്ടുപോകാന് ആവശ്യപ്പെടുകയായിരുന്നു. ജനറല് വിഭാഗത്തില്പ്പെട്ട വയോജനങ്ങള്ക്കായി വാര്ഷികപദ്ധതിയില് ഉള്പ്പെടുത്തിയാണ് സൗജന്യമായി കട്ടില് നല്കാൻ തീരുമാനിച്ചത്. വിവിധ വാര്ഡുകളില് നിന്നായി തെരഞ്ഞെടുക്കപ്പെട്ട 98 പേര്ക്കാണ് കട്ടില് വിതരണം ചെയ്യുമെന്ന് അറിയിച്ചത്. ഒരു കട്ടിലിന് 4,350 രൂപയാണ് വിലയിട്ടിരുന്നത്.എന്നാല്, ഉദ്ഘാടനത്തിന് മുന്നോടിയായി പഞ്ചായത്തംഗങ്ങളും ഉദ്യോഗസ്ഥരും കട്ടിലുകള് പരിശോധിച്ചപ്പോഴാണ് ഗുണനിലവാരം കുറഞ്ഞതാണെന്ന് വ്യക്തമായത്. ഉടന്തന്നെ എത്തിച്ച മുഴുവന് കട്ടിലുകളും തിരിച്ചുകൊണ്ടുപോകാന് പഞ്ചായത്ത് അധികൃതര് നിര്ദേശം നൽകി. അടുത്ത ദിവസം തന്നെ ഗുണനിലവാരമുള്ള പുതിയ കട്ടിലുകള് വിതരണത്തിനെത്തിക്കണമെന്ന് അധികൃതർ കരാറുകാരനോട് ആവശ്യപ്പെട്ടു. ഇല്ലെങ്കിൽ ആവശ്യമായ നിയമനടപടികളുമായി മുന്നോട്ടുപോകുമെന്നും പഞ്ചായത്ത് അധികൃതര് കരാറുകാരന് മുന്നറിയിപ്പ് നല്കി.