ഉണങ്ങിയ മുളങ്കാടുകളും മരങ്ങളും ചാഞ്ഞു നില്ക്കുന്നത് റോഡിലേക്ക് | Bamboo Forests
1022 views
വയനാട് വീഡിയോസ് സബ്സ്ക്രൈബ് ചെയ്യൂവനപ്രദേശങ്ങളിലെ ഉണങ്ങിയ മുളങ്കാടുകളും മരങ്ങളും ചാഞ്ഞു നില്ക്കുന്നത് റോഡിലേക്ക്. ഇവയെല്ലാം വാഹനയാത്രികര്ക്ക് അപകടഭീഷണിയുയര്ത്തുകയാണ്. വനത്തിലായതിനാല് ഇവ ഉടന് മുറിച്ചുമാറ്റുന്നതിനുള്ള സങ്കീര്ണതകളുണ്ട്. വയനാട് ജില്ലയില് പ്രധാന റോഡുകള് മിക്കതും കടന്നുപോകുന്നത് വനപ്രദേശങ്ങളോട് അടുത്താണ്. അതിനാല് തന്നെ നിരവധി സ്ഥലങ്ങളിലാണ് മുളങ്കാടുകളും മരങ്ങളും റോഡിലേക്ക് ചാഞ്ഞു നില്ക്കുന്നത്. മുത്തങ്ങ വനത്തിലൂടെ കടന്നുപോകുന്ന ദേശീയപാത 766-ല് നായ്ക്കെട്ടിക്കും മൂലങ്കാവിനും ഇടക്കുള്ള ഒറ്റത്തേക്കില് രണ്ട് വലിയ മുളങ്കാടുകള് ഉണങ്ങി റോഡിലേക്ക് ചരിഞ്ഞ് നില്ക്കുകയാണ്. ഇവയിലെ ചിലത് താഴെഭാഗം പൊട്ടി ഏത് സമയവും റോഡിലേക്ക് പതിക്കുമെന്ന അവസ്ഥയിലാണ്. നിരവധി സഞ്ചാരികളാണ് ദേശീയപാത 766 വഴി കടന്നുപോകുന്നത്. അതിനാല് തന്നെ മുളങ്കാടുകള് പൊട്ടി വാഹനയാത്രികരുടെ മേല്പതിക്കുമോ എന്ന ഭീതിയിലാണ് ഇതുവഴിയുള്ള യാത്ര.