Youth Congress: യൂത്ത് കോൺഗ്രസുകാരെ ആക്രമിച്ച പ്രതി പോലീസ് സംരക്ഷണയില് പരീക്ഷയെഴുതി; പ്രതിഷേധം ശക്തം
വയനാട് വീഡിയോസ് സബ്സ്ക്രൈബ് ചെയ്യൂ
പഴയങ്ങാടിയില് യൂത്ത് കോണ്ഗ്രസ് പ്രവര്ത്തകരെ ആക്രമിച്ച കേസിലെ പ്രതി പോലീസ് സംരക്ഷണയില് പരീക്ഷ എഴുതിയതിനെതിരെ പ്രതിഷേധം ശക്തമാകുന്നു. മാടായി കോളേജിലെത്തിയാണ് പ്രതി പരീക്ഷ എഴുതിയത്. ഷഫൂര് അഹമ്മദ് ആണ് പരീക്ഷ എഴുതാന് എത്തിയത്. മുഖ്യമന്ത്രിക്കെതിരെ കരിങ്കൊടി കാണിക്കാനെത്തിയ യൂത്ത് കോണ്ഗ്രസ് പ്രവര്ത്തകരെ ഹെല്മറ്റും, പൂച്ചട്ടിയും ഉപയോഗിച്ച് വധിക്കാന് ശ്രമിച്ച കേസിലെ പ്രതി പരീക്ഷ എഴുതുന്നതിനെതിരെയാണ് കെ എസ് യുവിന്റെ പ്രതിഷേധം. പ്രതിയെ പിടികൂടാന് പോലീസ് തയ്യാറാകണമെന്നാവശ്യപ്പെട്ടായിരുന്നു കെ എസ് യു പ്രവര്ത്തകരുടെ പ്രതിഷേധം. എസ് എഫ് ഐ പ്രവര്ത്തകനായ ഷഫൂര് അഹമ്മദായിരുന്നു വ്യാഴാഴ്ച്ച രാവിലെ പരീക്ഷ എഴുതാനെത്തിയത്. ഷഫൂര് എഴുതാന് മാടായി കോളജിലെത്തുമ്പോള് അകമ്പടിയായി ഡി വൈ എഫ് ഐ പ്രവര്ത്തകരുമുണ്ടായിരുന്നു. യൂത്ത് കോണ്ഗ്രസ് പ്രവര്ത്തകരെ അക്രമിച്ച കേസില് പത്താം പ്രതിയാണ് ഷഫൂര് അഹമ്മദ്. വധശ്രമ കേസിലെ പ്രതി പരസ്യമായി പരീക്ഷ എഴുതുന്നത് കെ എസ് യു വിദ്യാര്ത്ഥികള് പോലീസ് സ്റ്റേഷനില് അറിയിച്ചുവെങ്കിലും പ്രതിയെ പിടികൂടാന് പോലീസ് തയ്യാറായില്ല. ഇതേ തുടര്ന്നായിരുന്നു കെ എസ് യു പ്രതിഷേധവുമായി രംഗത്ത് വന്നത്. ഇതുമണിക്കൂറുകളോളം സംഘര്ഷത്തിനിടയാക്കി. ഇതേ തുടര്ന്ന് പഴയങ്ങാടി പൊലിസെത്തി സ്ഥിതി ശാന്തമാക്കുകയായിരുന്നു.