വേനലവധിയില് വേറിട്ട അനുഭവം പകര്ന്ന് നീന്തല്പരിശീലനം
1030 views
വയനാട് വീഡിയോസ് സബ്സ്ക്രൈബ് ചെയ്യൂവേനലവധി വേറിട്ട അനുഭവമാക്കി മാറ്റാന് കഴിഞ്ഞതിന്റെ സന്തോഷത്തിലായിരുന്നു കോട്ടത്തറ വെണ്ണിയോടുള്ള ഒരു പറ്റം കുട്ടികള്. വെണ്ണിയോട് പുതുശ്ശേരിക്കുന്ന കടവില് സംഘടിപ്പിച്ച നീന്തല്പരിശീലനം അവര് ശരിക്കും ആഘോഷമാക്കി മാറ്റി. പള്സ് എമര്ജന്സി ടീം കേരള വെണ്ണിയോട് യൂണിറ്റിന്റെ നേതൃത്വത്തിലായിരുന്നു ആണ്കുട്ടികള്ക്കും പെണ്ഡകുട്ടികള്ക്കും നീന്തല് പരിശീലനം സംഘടിപ്പിച്ചത്. താനൂര് ബോട്ട് ദുരന്തത്തിന്റെ പശ്ചാത്തലത്തില് സംഘടിപ്പിച്ച പരിപാടിക്ക് പൊതുജനങ്ങളുടെയും പ്രോത്സാഹനമുണ്ടായിരുന്നു. വെള്ളത്തില് ആഴമുള്ളയിടങ്ങളില് അകപ്പെട്ടാല് രക്ഷപ്പെടാന് സ്വീകരിക്കേണ്ട മാര്ഗ്ഗങ്ങളെ കുറിച്ചും മറ്റൊരാള് അകപ്പെട്ടാല് സ്വന്തം ജീവന് അപകടത്തിലാകാതെ അപകടത്തില്പ്പെട്ടയാളെ രക്ഷിക്കുന്നതിനായി ചെയ്യേണ്ട കാര്യങ്ങളെ കുറിച്ചും പള്സ് എമര്ജന്സി ടീം അംഗങ്ങള് കുട്ടികള്ക്ക് വ്യക്തമായി വിശദികരിച്ചു കൊടുത്തു. രാവിലെ ഒമ്പതരയോടെ ആരംഭിച്ച പരിശീലന പരിപാടി കോട്ടത്തറ ഗ്രാമപഞ്ചായത്ത് പ്രസിഡന്റ് പി.പി. റെനീഷ് ഉദ്ഘാടനം ചെയ്തു. പരിപാടിയില് കുട്ടികള്ക്ക് പുറമെ നീന്തല് അറിയാത്ത മുതിര്ന്നവര്ക്ക് നീന്തല് പഠിക്കാനുള്ള അവസരവും ഉണ്ടായിരുന്നു.