മനം നിറച്ച് വർണ്ണ വിസ്മയം |Thrissur Pooram|
1013 views
തൃശൂർ വീഡിയോസ് സബ്സ്ക്രൈബ് ചെയ്യൂതൃശൂർ പൂരത്തിന്റെ ആവേശം ഇരട്ടിപ്പിച്ച് വെടിക്കെട്ട്. ഇരു വിഭാഗങ്ങളും വാനിൽ വർണ്ണ വിസ്മയം തീർത്തും. പുലർച്ചെ 4.31ന് തിരുവമ്പാടി വിഭാഗവും പിന്നാലെ 5.11ന് പാറമേക്കാവ് വിഭാഗവും വെടിക്കെട്ടിന് തിരികൊളുത്തി. വെടിക്കെട്ട് കാണാൻ സ്വരാജ് റൗണ്ടിൽ തടിച്ചു കൂടിയത് പതിനായിരങ്ങൾ ആണ്. വൈകുന്നേരം നടന്ന കുടമാറ്റം അവസാനിച്ചതോടെ വെടിക്കെട്ടിനായുള്ള കാത്തിരിപ്പിലായിരുന്നു പൂരപ്രേമികൾ. മൂടിക്കെട്ടിയ അന്തരീക്ഷം നൽകിയ മഴയുടെ ആശങ്കയുണ്ടായിരുന്നെങ്കിലും മഴ മാറി നിന്നത് ദേവസ്വങ്ങൾക്കും വെടിക്കെട്ട് പ്രേമികൾക്കും ആശ്വാസമായി. അതേസമയം പെസോയുടെ കർശന നിയന്ത്രണത്തിലാണ് വെടിക്കെട്ട് നടന്നത്. ശബ്ദത്തോടൊപ്പം നിറങ്ങൾക്കും പ്രാധാന്യം നൽകിയ വെടിക്കെട്ട് സ്വരാജ് റൗണ്ടിലും ഇടവഴികളിലുമായി തടിച്ചു കൂടിയ പതിനായിരക്കണക്കിന് കരിമരുന്നുപ്രേമികൾ ആർപ്പുവിളികളോടെ നെഞ്ചേറ്റി. ഓലയിൽനിന്ന് തുടങ്ങി, പടർന്നു പന്തലിച്ച് ഗുണ്ട്, ഡൈന, കുഴിമിന്നൽ തുടങ്ങിയവയുടെ ശക്തിയിൽ ആകാശമൊരു അഗ്നിഗോളമായി മാറിയ കൂട്ടപ്പൊരിച്ചിൽ കാണികൾക്ക് ആവേശമായി.