നഗരത്തിൽ പരിഭ്രാന്തി പരത്തി പന്നി
കശാപ്പിന് കൊണ്ടുപോയ പന്നികളിൽ ഒന്ന് നഗരത്തിൽ പരിഭ്രാന്തി പരത്തി. ഓടുന്ന വാഹനത്തിൽ നിന്നും താഴെ വീണ പന്നിയാണ് നഗരത്തിൽ പരിഭ്രാന്തി പറത്തിയത്. തൃശൂർ വടക്കാഞ്ചേരി പുഴപ്പാലത്തിനു സമീപത്തു നിന്നാണ് പന്നി വാഹനത്തിൽ നിന്ന് ചാടിയത്. വിഷു വിപണികൾ ആരംഭിച്ചതിനാൽ കാൽനടയാത്രികരുടെ നല്ല തിരക്കുണ്ടായിരുന്നു. കറുത്ത നിറത്തിലുള്ള പന്നി ആയതിനാൽ കാട്ടുപന്നിയോ മറ്റോ ആയിരിക്കുമെന്നാണ് ആളുകൾ ആദ്യം കരുതിയത്. അതേസമയം പന്നിയുടെ വരവ് കണ്ട കാൽനടയാത്രികരിൽ പലരും ചിതറിയോടി. പന്നി നഷ്ടപെട്ട വിവരം മനസിലാക്കി ഉടമകൾ എത്തിയതോടെയാണ് വളർത്തു പന്നിയാണെന്ന കാര്യം ആളുകൾക്ക് മനസിലായത്. പന്നി റോഡിൽ വിവിധ ഭാഗങ്ങളിലേക്ക് സഞ്ചരിച്ചിരുന്നതിനാൽ ഏറെ നേരം നഗരത്തിൽ ഗതാഗതക്കുരുക്കും നേരിട്ടു. അര മണിക്കൂറിലധികം നേരത്തെ പരിശ്രത്തിനൊടുവിൽ പന്നിയെ കയറിൽ ബന്ധിച്ച് വാഹനത്തിൽ കയറ്റിയതോടെയാണ് രംഗം ശാന്തമായത്. ചേലക്കര ഭാഗത്തുള്ള ഒരു ഫാമിൽനിന്നു തൃശൂരിലെ ഒരു കശാപ്പ് ശാലയിലേക്ക് കൊണ്ടുപോകുന്നതിനിടയിൽ രാവിലെ 11.30 നായിരുന്നു സംഭവം.thrissurTimesXP MalayalamUpdated: 13 Apr 2023, 11:30 pm