തൃശൂർ പൂരത്തിന്റെ ചടങ്ങുകൾക്ക് തുടക്കമായി | Thrissur Pooram
1012 views
തൃശൂർ വീഡിയോസ് സബ്സ്ക്രൈബ് ചെയ്യൂതൃശൂർ പൂരത്തിന്റെ ചടങ്ങുകൾക്ക് തുടക്കമായി. നെയ്തലക്കാവ് ഭഗവതി തെക്കേ ഗോപുരമിറങ്ങി. കൊമ്പൻ എറണാകുളം ശിവകുമാറാണ് തിടമ്പേറ്റിയത്. നാളെയാണ് തൃശൂർ പൂരം. പൂര പ്രേമികളുടെ മനസിൽ ആഹ്ളാദ പെരുമഴ തീർത്ത് നെയ്തലക്കാവിലമ്മ തെക്കേ ഗോപുരമിറങ്ങി. കൊമ്പൻ എറണാകുളം ശിവകുമാറാണ് നട തുറന്നത്. രാവിലെ നെയ്തലക്കാവ് ഭഗവതി സ്വരാജ് റൗണ്ടിന് നടുവിലെ പൂര പറമ്പിലെത്തി. പൂരപറമ്പിൽ എത്തിയ നെയ്തലക്കാവിലമ്മ പൂരം നടത്തുന്നതിന് അനുമതി തേടി. തുടർന്ന് പടിഞ്ഞാറേ നടയിലൂടെ ക്ഷേത്ര വളപ്പിൽ പ്രവേശിച്ച ഭഗവതി തെക്കേ ഗോപുരത്തിനുള്ളിലെത്തി തെക്കേ ഗോപുരം ഇറങ്ങി. ഇനി തൃശൂരിന് പൂരാവേശത്തിന്റെ മണിക്കൂറുകളാണ്. പാറമേക്കാവ് അഗ്രശാലയിലും തിരുവമ്പാടി കൗസ്തുഭം ഹാളിലും തിരുവമ്പാടി-പാറമേക്കാവ് വിഭാഗങ്ങളുടെ ചമയപ്രദർശനം തുടരുകയാണ്. രാത്രി 12വരെ ചമയപ്രര്ശനം തുടരും.