Bank Locker: ബാങ്കിൽ നിന്ന് സ്വർണം കാണാതായ സംഭവം അന്വേഷണത്തിനൊരുങ്ങി പോലീസ്
1028 views
തൃശൂർ വീഡിയോസ് സബ്സ്ക്രൈബ് ചെയ്യൂകൊടുങ്ങല്ലൂരിൽ ബാങ്ക് ലോക്കറിൽ സൂക്ഷിച്ച സ്വർണം കാണാതായെന്ന പരാതിയെ തുടർന്ന് വിശദ അന്വേഷണത്തിനൊരുങ്ങി പോലീസ് . കൊടുങ്ങല്ലൂർ ടൗൺ സഹകരണ ബാങ്കിൻ്റെ അഴീക്കോട് ശാഖയിലെ സേഫ് ഡെപ്പോസിറ്റ് ലോക്കറിൽ സൂക്ഷിച്ചിരുന്ന സ്വർണത്തിൽ നിന്ന് 60 പവനോളം സ്വർണാഭരണങ്ങൾ കാണാതായാണ് പരാതി. എടമുട്ടം നെടിയിരിപ്പിൽ സണ്ണിയുടെ ഭാര്യ സുനിത പരാതിയുമായി പോലീസിനെ സമീപിച്ചു . സുനിതയുടെയും അമ്മ സാവിത്രിയുടെയും പേരിൽ ലോക്കറിൽ സൂക്ഷിച്ച ആഭരങ്ങളാണ് കാണാതായത് .കഴിഞ്ഞ വർഷം ഒക്ടോബറിലാണ് കൂടുതൽ ആഭരണങ്ങൾ ലോക്കറിൽ സൂക്ഷിച്ചതെന്ന് സുനിത പറഞ്ഞു. ബെംഗളൂരുവിൽ കുടുംബസമേതം താമസിക്കുന്ന സുനിത നാട്ടിലെത്തി ലോക്കർ തുറന്നപ്പോഴാണ് സ്വർണത്തിൽ കുറവുള്ളതായി കണ്ടത് . തുടർന്ന് കൊടുങ്ങലൂർ പോലീസിൽ പരാതി നൽകുകയായിരുന്നു . ലോക്കറിൽ നിന്ന് സ്വർണം നഷ്ടപ്പെട്ടതായുള്ള ആക്ഷേപത്തെക്കുറിച്ച് അന്വേഷിക്കണമെന്നാവശ്യപ്പെട്ട് ബാങ്ക് അധികൃതരും പോലീസിൽ പരാതി നൽകിയിട്ടുണ്ട്. രണ്ട് താക്കോലുകൾ ഉപയോഗിച്ച് മാത്രമേ ലോക്കർ തുറക്കാനാകുകയുള്ളു. ഇതിൽ ഒന്ന് ഇടപാടുകാരൻ്റെ കൈവശവും മാസ്റ്റർ കീ ബാങ്കിലുമാണുണ്ടാകുക. ഈ സംഭവത്തിൽ വിശദമായ അനേഷ്വണം ആരംഭിക്കാനൊരുനൊരുങ്ങുകയാണ് പോലീസ്.