Arjun And Abhinav: ജീവൻ രക്ഷിച്ച പൊലീസുകാർക്ക് നന്ദി അറിയിച്ച് അർജുനും മകനും സ്റ്റേഷനിലെത്തി
തൃശൂർ വീഡിയോസ് സബ്സ്ക്രൈബ് ചെയ്യൂ
ശാരീരിക അസ്വാസ്ഥ്യത്തെ തുടർന്ന് റോഡിൽ തളർന്നുവീണ അർജുനെ ജീവിതത്തിലേക്ക് കൈപിടിച്ചുയർത്തിയ പോലീസ് ഉദ്യോഗസ്ഥരെ കണ്ടു നന്ദി അറിയിക്കാൻ അർജുനും അഭിനവും കൊടുങ്ങല്ലൂർ പോലീസ് സ്റ്റേഷനിൽ എത്തി. ശനിയാഴ്ച രാത്രി ഒരു മണിയോടെ കൊടുങ്ങല്ലൂർ ചേരമാൻ പള്ളിക്ക് മുൻവശം റോഡിൽ അർജുൻ കുഴഞ്ഞുവീഴുകയായിരുന്നു. കൊടുങ്ങല്ലൂർ പോലീസ് സ്റ്റേഷനിലെ സബ് ഇൻസ്പെക്ടർ ജയ്സന്റെ നേതൃത്വത്തിലുള്ള പോലീസ് സംഘത്തിന്റെ സമയോചിതമായ ഇടപെടലിലൂടെയാണ് അർജുൻ ജീവിതത്തിലേക്ക് തിരികെയെത്തുന്നത് അർജുനനോടൊപ്പം ഉണ്ടായിരുന്ന മകൻ അഭിനവ് കൃഷ്ണ പോലീസ് സംഘത്തിനടുത്ത് എത്തി വിവരം അറിയിച്ചതിനെ തുടർന്നാണ്സബ് ഇൻസ്പെക്ടർജെയ്സന്റെ നേതൃത്വത്തിൽ പോലീസുകാർ സ്ഥലത്തെത്തിയത്. 11 വയസ്സുകാരനായ അഭിനവ് കൃഷ്ണയുടെ അനിതരസാധാരണമായ കാര്യപ്രാപ്തിയാണ് സംഭവത്തിൽ ഇടപെടാൻ തങ്ങൾക്ക് ഇടയാക്കിയതെന്ന് പോലീസ് ഉദ്യോഗസ്ഥർ പറഞ്ഞു. അഭിനവ് കൃഷ്ണയെ ഇൻസ്പെക്ടർ ബൈജു ഇ ആർ പൊന്നാടയണിയിച്ച് അഭിനന്ദിച്ചു.