ഭൂമി തരം മാറ്റുന്നതിന് 25,000 രൂപ കൈക്കൂലി; കൃഷി ഓഫീസർ പിടിയിൽ |bribery
തൃശൂർ വീഡിയോസ് സബ്സ്ക്രൈബ് ചെയ്യൂ
തൃശൂർ എരുമപ്പെട്ടിയിൽ ഭൂമി തരം മാറ്റുന്നതിന് 25,000 രൂപ കൈക്കൂലി വാങ്ങിച്ച സംഭവത്തിൽ കൃഷി ഓഫീസർ പിടിയിൽ. വിജിലൻസ് സംഘം എരുമപ്പെട്ടി കൃഷി ഓഫീസറായ എസ് ഉണ്ണികൃഷ്ണപ്പിള്ളയെയാണ് അറസ്റ്റു ചെയ്തത്. പരാതിക്കാരി ഭൂമി തരം മാറ്റുന്നതിനായി അപേക്ഷ സമർപ്പിച്ചിരുന്നു. സ്ഥലം പരിശോധിച്ച ഉണ്ണികൃഷ്ണപ്പിള്ള തുടർനടപടികൾക്കുള്ള ശുപാർശയ്ക്കായി 25,000 രൂപ കൈക്കൂലി നൽകണമെന്ന് ആവശ്യപ്പെടുകയായിരുന്നു. ഇവർ വിജിലൻസിൽ പരാതി നൽകി. പരാതിയെതുടർന്ന് വിജിലൻസ് സംഘം ഫിനോഫ്ത്തലിൻ പുരട്ടിയ നോട്ടുകൾ പരാതിക്കാരിക്കു കൈമാറി. നോട്ടുകൾ ഉണ്ണികൃഷ്ണപ്പിള്ള കൈപ്പറ്റുന്നതിനിടെ വിജിലൻസ് സംഘം ഇയാളെ കയ്യോടെ പിടികൂടുകയായിരുന്നു.