ബിരിയാണി കടം നൽകിയില്ല; റസ്റ്റോറൻറ് ആക്രമിച്ച് മൂന്നംഗ സംഘം
1021 views
തൃശൂർ വീഡിയോസ് സബ്സ്ക്രൈബ് ചെയ്യൂബിരിയാണി കടം നൽകാത്തതിൻറെ പേരിൽ ഹോട്ടൽ തല്ലിതകർത്ത് മൂന്നംഗ സംഘം. തൃപ്രയാറിൽ പ്രവർത്തിക്കുന്ന കലവറ കഫേ - ആൻറ് റസ്റ്റോറൻറിന് നേരെയാണ് ആക്രമണം നടന്നത്. കഴിഞ്ഞ ദിവസം രാത്രി പത്തേകാലോടെയാണ് സംഭവം. ഹോട്ടൽ ആൻറ് റസ്റ്റോറൻറ് അസോസിയേഷൻ നാട്ടിക മേഖല സെക്രട്ടറി കൂടിയായ തൃപ്രയാർ എരണേഴുത്ത് വീട്ടിൽ അക്ഷയുടെ ഉടമസ്ഥതയിലുള്ളതാണ് റസ്റ്റോറൻറ്. ബുധനാഴ്ച രാത്രി പത്തേകാലോടെ അക്ഷയ് വീട്ടിലേക്ക് പോയതിന് പിന്നാലെയാണ് അക്രമം അരങ്ങേറിയത്. റസ്റ്റോറൻറിൽ എത്തിയ മൂന്ന് യുവാക്കൾ കാഷ് കൗണ്ടറിൻറെ ചുമതലയിൽ ഉണ്ടായിരുന്ന ആസാം സ്വദേശി ജുനൈദിനോട് ഭക്ഷണം ആവശ്യപ്പെട്ടു. തുക പറഞ്ഞതോടെ പണമില്ലെന്നും കടം നൽകണമെന്നും പറഞ്ഞു. പിന്നാലെ, ഉടമ അറിയാതെ കടം നൽകാനാകില്ലെന്ന് പറഞ്ഞ ജീവനക്കാരനെ മൂന്നംഗ സംഘം ആക്രമിക്കുകയായിരുന്നു.