കാറും ചരക്ക് ലോറിയും കൂട്ടിയിടിച്ച് രണ്ട് മരണം
കൊടൈക്കനാലില് പോയി മടങ്ങിയ കാര് ചരക്ക് ലോറിയുമായി കൂട്ടിയിടിച്ച് രണ്ട് മരണം. അപകടത്തിൽ 4 പേർക്ക് ഗുരുതര പരിക്കേറ്റു. മലപ്പുറം, തിരൂർ സ്വദേശികളാണ് വാഹനത്തിലുണ്ടായിരുന്നത്. ഇന്ന് പുലർച്ചെ മൂന്നരയോടെ ദേശീയപാത 66 നാട്ടിക സെൻ്ററിന് തെക്ക് ഭാഗത്ത് വെച്ചായിരുന്നു അപകടം നടന്നത്. കൊടൈക്കനാലിൽ വിനോദയാത്ര പോയി മടങ്ങിയിരുന്ന ആറംഗ സംഘം സഞ്ചരിച്ചിരുന്ന കാറാണ് ചരക്ക് ലോറിയുമായി കൂട്ടിയിടിച്ചത്. പരിക്കേറ്റവരെ തൃശൂർ അശ്വിനി ആശുപത്രിയിൽ പ്രവേശിപ്പിച്ചു. കാർ മറ്റൊരു വാഹനത്തെ മറികടക്കുന്നതിനിടെ എതിരെ വന്ന ചരക്ക് ലോറിയിൽ ഇടിക്കുകയായിരുന്നെന്ന് പറയുന്നു.thrissurTimesXP MalayalamUpdated: 27 Apr 2023, 10:55 am