പട്ടിക വിഭാഗ ക്ഷേമത്തിന് ചെലവിടുന്ന കോടികള് എവിടെ...? |Scheduled Caste Welfare
1013 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം ജില്ലയിലെ മലയോര പഞ്ചായത്താണ് പെരിങ്ങമല. ഈ പഞ്ചായത്തിലെ എട്ടാം വാര്ഡില് സൂര്യകാന്തി 12ാം നമ്പര് കോളനിയിലെ മനുഷ്യരുടെ അവസ്ഥ പരിതാപകരമാണ്. എട്ടു വീടുകളിലായി അറുപത്തഞ്ചിലേറെ ആളുകളാണ് ഇവിടെ താമസമുള്ളത്. അടച്ചുറപ്പില്ലാത്ത ഏതുനിമിഷവും ഇടിഞ്ഞു പൊളിഞ്ഞ് നിലം പൊത്താവുന്ന അവസ്ഥയിലായ വീടുകള്, മണ്ചുമരുകൾ, ചാക്കും ഷീറ്റും ഉപയോഗിച്ചുള്ള മേല്ക്കൂര, ഒരു മഴ ചാറിയാല് ഈ വീടുകൾ ചെളിക്കളമാവും... ആഹാരം പാചകം ചെയ്യുന്നതും പ്രാഥമിക കൃത്യ നിര്വഹണവുമെല്ലാം മാലിന്യം നിറഞ്ഞ ആറ്റുവെള്ളം തലച്ചുമടായി എത്തിച്ചാണ്. കുടിവെള്ളവും ശൗചാലയവും ഒക്കെ ഇവരുടെ സ്വപ്നം മാത്രമാണ്. രോഗം വന്നാൽ പെട്ടെന്ന് ഓടി എത്തി പ്രാഥമിക ചികിത്സ ലഭ്യമാക്കാന് ഹോസ്പിറ്റലോ യാത്രാ സൗകര്യമോ ഇവർക്ക് ഇല്ല. തദ്ദേശ സ്ഥാപനങ്ങളുടെ ആനുകൂല്യങ്ങളും ഇവര്ക്ക് ലഭിക്കുന്നില്ല. കോളനിയിലേക്ക് കോണ്ക്രീറ്റ് റോഡ് പണിയാനായി അനുവദിച്ചിരുന്നു. എന്നാൽ ഒരു നടപ്പാലം പണിഞ്ഞതൊഴിച്ചാല് മറ്റ് നിര്മ്മാണമൊന്നും അവിടെ നടന്നിട്ടില്ല.