നവജാത ശിശുവിൻ്റെ കൈ ഒടിഞ്ഞതായി പരാതി
1029 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂപ്രസവത്തിനിടെ ചികിത്സാപ്പിഴവുണ്ടായതായും നവജാത ശിശുവിന്റെ കൈയുടെ എല്ല് പൊട്ടിയതായും പരാതി. നവജാത ശിശുവിന്റെ കൈയുടെ എല്ല് പൊട്ടിയെന്നും ഇടത് കൈയ്ക്ക് ചലനശേഷി നഷ്ടപ്പെട്ടെന്നുമാണ് പരാതി. ഇക്കഴിഞ്ഞ മാര്ച്ച് 27 നാണ് നെയ്യാറ്റിന്കരയിലെ ജനറല് ആശുപത്രിയില് വെച്ച് അവണാകുഴി സ്വദേശി പ്രജിത്തിന്റെ ഭാര്യ കാവ്യയുടെ പ്രസവം നടന്നത്. പ്രസവത്തിനിടെ കുഞ്ഞിന്റെ കൈയ്ക്ക് പൊട്ടലുണ്ടായെന്നും ഞരമ്പ് വലിഞ്ഞുപോയെന്നുമാണ് കുടുംബം പരാതിയില് പറയുന്നത്. ജനിച്ച ശേഷം കുഞ്ഞിന് ഇടത് കൈ അനക്കാന് കഴിയുന്നുണ്ടായിരുന്നില്ല. ഇക്കാര്യം അറിയിച്ചപ്പോള് രണ്ടാഴ്ച കഴിഞ്ഞാല് ശരിയാകുമെന്നാണ് നെയ്യാറ്റിന്കരയിലെ ആശുപത്രി അധികൃതര് പറഞ്ഞത്. അവിടെയുള്ള മറ്റൊരു ഡോക്ടറാണ് മറ്റൊരു ആശുപത്രിയില് കാണിക്കാന് പറഞ്ഞത്. അങ്ങനെ എസ്എടി ആശുപത്രിയില് ചികിത്സ തേടി. കുഞ്ഞിനെ പ്രസവത്തിനിടെ ശ്രദ്ധയില്ലാതെ വലിച്ചെടുത്തതാണ് കൈ എല്ല് പൊട്ടാന് കാരണമായതെന്നാണ് ആശുപത്രിയില്നിന്നു പറഞ്ഞത്. നിലവില് എല്ല് പൊട്ടല് ശരിയായെങ്കിലും ഞരമ്പിന്റെ പ്രശ്നം മാറിയില്ല എന്നുമാണ് കുടുംബത്തിന്റെ പരാതി.