Sree Narayana Guru: ശ്രീനാരായണ ഗുരുവിൻ്റെ കണ്ണാടി പ്രതിഷ്ഠാ ശില്പം ഒരുക്കി ഉണ്ണി കാനായി
1048 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂകേരളീയം പരിപാടിയുടെ ഭാഗമായി ഗുരുവിന്റെ പ്രതിമ നിർമ്മിച്ച് ഉണ്ണി കാനായി. ശ്രീനാരായണ ഗുരുവിൻ്റെ ചരിത്രപ്രസിദ്ധമായ കണ്ണാടി പ്രതിഷ്ഠാ ശില്പം വളരെ വ്യത്യസ്തമായാണ് ഉണ്ണി കാനായി ഒരുക്കിയത്. തിരുവനന്തപുരം മ്യൂസിയത്തിന് എതിർവശത്ത് ശ്രീനാരായണ ഗുരു പാർക്കിലാണ് ഇത് തയ്യാറാക്കിയത്. 1927 ൽ കളവംകോട് അർധനാരീശ്വര ക്ഷേത്രത്തിലെ ഗുരുവിൻ്റെ കണ്ണാടി പ്രതിഷ്ഠയ്ക്കാണ് ശില്പാവിഷ്ക്കാരം ഒരുക്കിയത്. 23 അടി വീതിയിലും 17 അടി ഉയരത്തിലുമാണ് ഗുരുവിനെ നിർമ്മിച്ചത്. പ്ലാസ്റ്റർ ഓഫ് പാരിസും ഇരുമ്പ് പൈപ്പും തുണിയും ഫ്ലെവുഡുമാണ് ഇതിനായി ഉപയോഗിച്ചത്. ശ്രീനാരായണ ഗുരു കണ്ണാടി കൈയ്യിൽ എടുത്ത് കൊണ്ട് ക്ഷേത്രത്തിനകത്തേക്ക് കയറുന്ന രീതിയിലാണ് ശില്പം സൃഷ്ടിച്ചത്. കണ്ണാടി പ്രതിഷ്ഠാ ഇൻസ്റ്റിലേഷൻ ശില്പം വളരെ അപൂർവ്വമായി കാണാവുന്ന ഒന്നാണെന്നാണ് വിലയിരുത്തൽ .ശ്രീനാരായണ ഗുരു പാർക്കിലെ ഗുരുവിൻ്റെ വെങ്കല ശില്പവും പാർക്കും രൂപകല്പന ചെയ്തതും ഉണ്ണി കാനായിയാണ്. സഹായികളായി വിനേഷ് കൊയക്കീൽ, രഞ്ജിത്ത് മാണിയിൽ, ബാലൻ പാച്ചേനി, രതീഷ് വിറകൻ, ശ്രീകുമാർ എരമം, അഭിജിത്ത്, അനുരാഗ്, റിഗേഷ് കൊയിലി, ബിജു നാരായൺ എന്നിവരുമുണ്ടായിരുന്നു.