KSRTC Nedumangad: ടിക്കറ്റിൻ്റെ ബാക്കി തുക നൽകിയില്ല വിദ്യാര്ഥിനി നടന്നത് 12 കിലോമീറ്റര്
1060 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂസ്കൂൾ വിദ്യാര്ഥിനിയോട് കെഎസ്ആര്ടിസി കണ്ടക്ടറുടെ ക്രൂരത. ടിക്കറ്റിൻ്റെ ബാക്കി തുക നല്കാത്തതിനെത്തുടര്ന്ന് വിദ്യാര്ഥിനി നടന്നത് 12 കിലോമീറ്റര്. നെടുമങ്ങാട് ഗവ.ഗേള്സ് ഹയര് സെക്കന്ഡറി സ്കൂളിലെ ഒന്പതാം ക്ലാസ് വിദ്യാര്ഥിനിയും ആട്ടുകാല് സ്വദേശിയായ അഖിലേഷിൻ്റെ മകളുമായ അനശ്വരയ്ക്കാണ് കെഎസ്ആര്ടിസി കണ്ടക്ടറിൽനിന്ന് . രാവിലെ ട്യൂഷന് ക്ലാസ് ഉള്ളത്കൊണ്ട് സ്കൂള് ബസ് ഒഴിവാക്കി ആട്ടുകാലില്നിന്നു 6.40 നാണ് അനശ്വര ബസിൽ കയറിയത് പതിനെട്ട് രൂപ ടിക്കറ്റിന് 100 രൂപയാണ് കണ്ടക്ടറുടെ കൈയ്യിൽ നൽകിയത് എന്നാൽ ബാക്കി തുക കണ്ടക്ടര് നല്കിയില്ല തുടർന്ന് നെടുമങ്ങാട് ബസ്സിറങ്ങിയപ്പോള് ബാലന്സ് തുക ചോദിച്ചെങ്കിലും പണം തിരിച്ചു നൽകാതെ കണ്ടക്ടർ പരിഹസിക്കുകയായിരുന്നെന്ന് വിദ്യാര്ഥിനി പോലീസിൽ നൽകിയ പരാതിയിൽ പറഞ്ഞു . 100 രൂപ നൽകിയപ്പോൾ ബാക്കി തിരിച്ചു നൽകാൻ ചില്ലറയില്ലെന്നും എവിടെയെങ്കിലും ഇറങ്ങി ചില്ലറ വാങ്ങാനും കണ്ടക്ടര് പറഞ്ഞതായും. സ്കൂള് വിട്ട ശേഷം വീട്ടിലേക്ക് പോകാന് പണം ഇല്ലാത്തതിനാല് 12 കിലോമീറ്റര് വീട്ടിലേക്കു നടക്കേണ്ടി വന്നെന്നും. അനശ്വരയുടെ പിതാവ് നെടുമങ്ങാട് പോലീസിന് നല്കിയ പരാതിയില് പറയുന്നു. സംഭവം വിവാദമായതോടെ കണ്ടക്ടര് ബാക്കി തുക ഡിപ്പോയില് അടച്ചു.