കൂട്ടുകാരന് കളർ പെൻസിൽ കൊടുക്കണം; കത്തെഴുതിവെച്ച് വിദ്യാർത്ഥി വീട് വിട്ടിറങ്ങി
തിരുവനന്തപുരം വീഡിയോസ് സബ്സ്ക്രൈബ് ചെയ്യൂ
കത്തെഴുതി വെച്ച ശേഷം വീട് വിട്ടിറങ്ങിയ വിദ്യാർഥിയെ കാണാതായി. കാട്ടാക്കടയില് ആനകോട് അനിശ്രീയില് (കൊട്ടാരം വീട്ടില്) അനില്കുമാറിന്റെ മകന് ഗോവിന്ദ. എനെയാണ് കാണാതായത്. സുഹൃത്തിന് കളര് പെന്സിലുകള് നല്കണമെന്നും താൻ പോകുന്നെന്നുമാണ് കുട്ടി കത്തില് എഴുതിയിരിക്കുന്നത്. സംഭവത്തില് കാട്ടാക്കട പോലീസ് അന്വേഷണം ആരംഭിച്ചിട്ടുണ്ട്. ഇന്ന് പുലര്ച്ചെ ആണ് കുട്ടിയെ കാണാതായത്. പട്ടകുളം പ്രദേശത്തെ സിസിടിവിയില് കുട്ടി കുടയും ചൂടി നടന്നു പോകുന്നത് ദൃശ്യങ്ങളില് ഉണ്ട്. പുലര്ച്ചെ 5:30 നുള്ള ദൃശ്യങ്ങള് ആണിത്. പാന്റ്സും ഷര്ട്ടും ആണ് വേഷം. കള്ളിക്കാട് ചിന്തലയ സ്കൂളില് എട്ടാം ക്ലാസില് ആണ് കുട്ടി പഠിക്കുന്നത്. കണ്ടുകിട്ടുന്നവര്, കുട്ടിയെ കുറിച്ച് വിവരം ലഭിക്കുന്നവര് കാട്ടാക്കട പോലീസ് സ്റ്റേഷനിൽ അറിയിക്കണം