സംഘർഷത്തിലെത്തിയത് സിപിഎം ചിഹ്നത്തിൽ കരിഓയിൽ ഒഴിച്ചതിനെ തുടർന്നുണ്ടായ തർക്കം
1108 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം ജില്ലയിലെ ആര്യനാട് കാനക്കുഴിയിൽ കോൺഗ്രസും സിപിഎമ്മും തമ്മിൽ സംഘർഷം. സംഘർഷത്തിൽ കലാശിച്ചത് ആര്യനാട് കൊണ്ണിയൂർ കാനക്കുഴി ജംഗ്ഷനിൽ നടുറോഡിൽ വരച്ചിരുന്ന സിപിഎം ചിഹ്നത്തിൽ ഇന്നലെ രാത്രി കരിഓയിൽ ഒഴിച്ചതിനെ തുടർന്ന് ഉണ്ടായ തർക്കമാണ്. കോൺഗ്രസ് നേതാക്കൾ ഇന്ന് 4 മണിയോടെ കരി ഓയിൽ ഒഴിച്ച സംഭവുമായി ബന്ധപ്പെട്ട് അന്വേഷിക്കാനായി സ്ഥലം സന്ദർശിച്ചപ്പോഴാണ് സംഘർഷം ഉണ്ടായത്. സംഘർഷത്തെ തുടർന്ന് കാട്ടാക്കട ഡി വൈ എസ് പിക്ക് കീഴിലുള്ള പോലീസ് സംഘം സ്ഥലത്തെത്തി സ്ഥിതിഗതികൾ നിയന്ത്രണ വിധേയമാക്കി. സംഭവത്തിൽ ഇരു വിഭാഗവും നൽകിയ പരാതിയുടെ അടിസ്ഥാനത്തിൽ ആര്യനാട് പോലീസ് കേസെടുത്തു. സംഘർഷത്തിൽ കോൺഗ്രസ് നേതാക്കളായ രാജീവൻ, തങ്കച്ചൻ എന്നിവർക്ക് പരിക്കേറ്റു. ഇവരെ ആര്യനാട് കമ്മ്യണിറ്റി ഹെൽത്ത് സെന്ററിൽ ചികിത്സയ്ക്കായി പ്രവേശിപ്പിച്ചു. അതേസമയം അടുത്തിടെ നവീകരിച്ച റോഡിൽ ചിഹ്നങ്ങൾ വരച്ചവർക്കും അപകടകരമാം വിധം കരിഓയിൽ ഒഴിച്ചവർക്ക മെതിരെ നടപടി വേണമെന്ന് ആവശ്യപ്പെട്ട് നാട്ടുകാരും രംഗത്തെത്തിയിട്ടുണ്ട്.