അഡ്വക്കേറ്റ് കമ്മീഷനെ ആക്രമിച്ച കേസിലെ പ്രതികൾ അറസ്റ്റിൽ
1025 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂഅഡ്വക്കേറ്റ് കമ്മീഷനെ ആക്രമിച്ച കേസിലെ പ്രതികൾ അറസ്റ്റിൽ. വർക്കലയിൽ ആണ് സംഭവം. രണ്ടുപേരെ വർക്കല പോലീസ് അറസ്റ്റ് ചെയ്തു. കൊല്ലം കിളികൊല്ലൂർ സ്വദേശി മഹേഷ് ലാൽ, നെയ്യാറ്റിൻകര കുണ്ടമൺഭാഗം സ്വദേശി സനു എന്നിവരാണ് വർക്കല പോലീസിന്റെ പിടിയിലായത്. കഴിഞ്ഞമാസം 14ാം തീയതി വർക്കല കോടതിയിലെ ഒരു സിവിൽ കേസുമായി ബന്ധപ്പെട്ട് വർക്കല കോടതിയിൽ നിന്നും വർക്കല ആലിയിറക്കത്തുള്ള വസ്തുവിൽ അഡ്വക്കേറ്റ് കമ്മീഷനായി പോയ അഡ്വക്കേറ്റിനെയാണ് മഹേഷ് ലാൽ, സനു എന്നിവർ ചേർന്ന് ദേഹോപദ്രവം ഏൽപ്പിക്കുകയും ഭീഷണിപ്പെടുത്തുകയും ചെയ്തത്. തുടർന്ന് ഒളിവിൽ പോയ പ്രതികളെ വർക്കല ഡിവൈഎസ്പി സിജെ മാർട്ടിന്റെ നിർദേശപ്രകാരം വർക്കല എസ് എച്ച് ഒ എസ് സനോജിന്റെ നേതൃത്വത്തിൽ എസ് ഐ മാരായ അബ്ദുൽ ഹക്കീം, എസ് അഭിഷേക്, ഗ്രേഡ് എസ് ഐ സലിം, സി പി ഒ മാരായ പ്രശാന്തകുമാരൻ, ഷജീർ, നുജുമോൻ എന്നിവർ ചേർന്നാണ് അറസ്റ്റ് ചെയ്തത്.