Road Accident: നിയന്ത്രണം വിട്ട കാർ സ്കൂട്ടറിലിടിച്ച് അധ്യാപിക മരിച്ചു
1052 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം കള്ളിക്കാട് തേവൻകോട് കൊടും വളവിൽ നിയന്ത്രണം വിട്ട കാർ സ്കൂട്ടറിലിടിച്ച് അധ്യാപിക മരിച്ചു. ആര്യനാട് പാങ്ങോട്ടു കോണം കൃഷ്ണലയം വീട്ടിൽ അഭിലാഷിന്റെ ഭാര്യ അഭിരാമിയാണ് മരിച്ചത്. പുഴനാട് ലയോള സ്കൂളിലെ അധ്യാപികയാണ്. അപകടത്തിൽ പരിക്കേറ്റ മകൾ അർപ്പിത കൃഷ്ണ എസ് എ റ്റി ആശുപത്രിയിൽ ഗുരുതരാവസ്ഥയിലാണ്. കൊടും വളവിൽ രാവിലെ 8 മണിയോടെയായിരുന്നു സംഭവം. അമിത വേഗതയിൽ കള്ളിക്കാട് ഭാഗത്തുനിന്നും കുറ്റിച്ചൽ ഭാഗത്തേക്ക് പോവുകയായിരുന്ന കാർ ഇടിച്ചു തെറിപ്പിക്കുകയായിരുന്നു. അഭിരാമിയെയും മകളെയും ഉടൻ കാട്ടാക്കട നെയ്യാർ മെഡിസിറ്റി ആശുപത്രിയിലെത്തിച്ചെങ്കിലും 9.45 മരിച്ചു. കാർ ഓടിച്ചിരുന്ന കള്ളിക്കാട് ബിജു ഭവനിൽ ബിജു കുമാറിനും അപകടത്തിൽ പരിക്കേറ്റ മെഡിക്കൽ കോളേജിൽ ചികിത്സയിലാണ്. സംഭവത്തിൽ നെയ്യാർ ഡാം പോലീസ് കേസെടുത്തു.