യുവതിയുടെ വീട്ടില് എസ്ഐയുടെ അതിക്രമം
1044 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂയുവതിയുടെ വീട്ടില് കയറി എസ്ഐയുടെ അതിക്രമം. തിരുവനന്തപുരം വലിയമല മന്നൂര്ക്കോണത്ത് അര്ധരാത്രിയിലാണ് സംഭവം. ആലപ്പുഴ റെയില്വെ എസ്ഐ ഷാനിഫാണ് യുവതിയുടെ വീട്ടില് കയറി അതിക്രമം നടത്തിയത്. മന്നൂര്ക്കോണം സ്വദേശിനി റിസാനയുടെ വീട്ടിലാണ് ആക്രമണം. സംഭവത്തിൽ റിസാന വലിയമല പോലീസില് പരാതി നല്കി. ആലപ്പുഴ റെയില്വേ എസ് ഐയായ ഷാനിഫ് റിസാനയുടെ അയല്വാസിയാണ്. കഴിഞ്ഞ മാസം 28ന് അര്ദ്ധരാത്രിയില് വീട്ടില് അതിക്രമിച്ച് കയറി ഭീഷണിപ്പെടുത്തിയെന്നാണ് റിസാനയുടെ പരാതി. രണ്ടുവര്ഷം മുമ്പുള്ള വഴി തര്ക്കത്തിന്റെ പേരില് സിവില് കേസ് നടക്കുന്നതിനിടെയാണ് അതിക്രമം. യുവതിയും കുഞ്ഞും മാത്രമാണ് വീട്ടിലുളളത്. നേരത്തെയും പലതവണ അതിക്രമം ഉണ്ടായിട്ടുണ്ടെന്ന് റിസാന പറഞ്ഞു.