തീപ്പിടുത്തമുണ്ടായ മരുന്ന് ഗോഡൗൺ പ്രവർത്തിച്ചിരുന്നത് സുരക്ഷാ മാനദണ്ഡങ്ങളും പാലിക്കാതെ
തിരുവനന്തപുരം ജില്ലയിലെ മേനംകുളം കിൻഫ്ര പാർക്കിലെ തീപ്പിടുത്തമുണ്ടായ മരുന്ന് ഗോഡൗൺ പ്രവർത്തിച്ചിരുന്നത് യാതൊരു സുരക്ഷാ മാനദണ്ഡങ്ങളും പാലിക്കാതെ. കിൻഫ്ര പാർക്കിലെ സുരക്ഷാവീഴ്ച ചൂണ്ടികാട്ടി അടുത്തിടെ അഗ്നിശമന വിഭാഗം സ്ഥാപനത്തിന് നോട്ടീസ് നൽകിയിരുന്നു. എന്നാൽ നോട്ടീസിന് കേരള മെഡിക്കൽ സർവീസസ് കോർപ്പറേഷൻ വേണ്ടത്ര പ്രാധാന്യം നൽകിയില്ല. അലക്ഷ്യമായാണ് കെമിക്കലുകൾ സൂക്ഷിച്ചിരുന്നത്. മഴയിൽ ഉണ്ടായ ചോർച്ചയിൽ സൂക്ഷിച്ചിരുന്ന ബ്ലീച്ചിംഗ് പൗഡറിൽ നനവുണ്ടായതാണ് തീപിടുത്തത്തിന് ഇടയാക്കിയതെന്നാണ് നിഗമനം. ഈ സർക്കാർ സ്ഥാപനത്തിന് എൻഒസി പോലുമില്ലെന്ന് ഫയർ ഫോഴ്സ് മേധാവി ബി സന്ധ്യ പറഞ്ഞിരുന്നു.