അദാനിയുടെ പേരിൽ പാറ ഖനനം; ലോറി തടഞ്ഞിട്ട് കഞ്ഞി വെച്ച് വീട്ടമ്മമാർ
1079 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂഅദാനിയുടെ പേരിൽ പാറ ഖനനം. വ്യാജ രേഖകൾ ചമച്ച് നടത്തുന്ന പാറ ഖനനത്തിന് എതിരെ വീണ്ടും നാട്ടുകാർ സംഘടിച്ച് രംഗത്തിറങ്ങി. തിരുവനന്തപുരം ആര്യനാട് ആണ് വ്യാജ രേഖകൾ ചമച്ച് പാറ ഖനനം നടത്തുന്നത്. പാറ ഖനനത്തിനായി ബങ്കർ ഇവിടെ എത്തിച്ചു കണ്ടെയ്നറിൽ നിന്ന് ഇറക്കാൻ ഉള്ള ശ്രമം അറിഞ്ഞ് നാട്ടുകാർ വാഹനം തടയുകയും ഇതിന് മുന്നിൽ കഞ്ഞി വെച്ച് പ്രതിഷേധിക്കുകയും ചെയ്തു. 2014 മുതൽ ഇവിടുത്തെ പാറ ഖനനം നാട്ടുകാർ എതിർക്കുകയും ഹൈക്കോടതിയിൽ ഇത് സംബന്ധിച്ച് കേസ് നിലനിൽക്കുകയും ചെയ്യുന്ന സാഹചര്യത്തിൽ ആണ് വീണ്ടും പാറ ഖനനം നടത്താൻ ഉപകരണങ്ങളുമായി കണ്ടെയ്നർ എത്തിയത്. പ്രദേശവാസിയായ അരുൺ എന്നയാളാണ് പഞ്ചായത്തുകളുടെ അനുമതി ഉൾപ്പടെ വ്യാജ രേഖ ഉണ്ടാക്കി അദാനി ഗ്രൂപ്പിനായി ഖനനം നടത്താൻ ഒരുങ്ങുന്നതെന്ന് നാട്ടുകാർ പറയുന്നു. നാട്ടുകാരുടെ പ്രതിഷേധം ശക്തമായതോടെ കാട്ടാക്കട ഡിവൈഎസ്പിയുടെ നേതൃത്വത്തിൽ ആര്യനാട്, നെയ്യാർ ഡാം പോലീസ് സ്ഥലത്തെത്തി അനുനയ ചർച്ചകൾ നടത്തി.