മോഷ്ടിച്ച കാര് ഒരു കേടും വരുത്താതെ തിരികെ എത്തിച്ച് മോഷ്ടാവ് |Thiruvananthapuram
1008 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം ജില്ലയിലെ പാലോട് മോഷ്ടിച്ച കാര് തിരികെ എത്തിച്ച് മോഷ്ടാവ്. ഒരു കേടും വരുത്താതെ കാര് ആവശ്യം കഴിഞ്ഞ് തിരികെ വീടിനു സമീപം കൊണ്ടിട്ട് മോഷ്ടാവ് മുങ്ങുകയായിരുന്നു. മോഷണത്തിന്റെ രണ്ടാം ദിവസമാണ് സംഭവം. ഇതോടെ ഈ കാറാണ് ചെല്ലഞ്ചി എന്ന ഗ്രാമത്തിലെ ഇപ്പോഴത്തെ സംസാരവിഷയം. ചെല്ലഞ്ചി മുന് പഞ്ചായത്ത് മെംബര് പ്രസാദിന്റെ വീട്ടു മുറ്റത്ത് പാര്ക്ക് ചെയ്തിരുന്ന കാർ ശനിയാഴ്ച രാത്രിയിലാണ് മോഷണം പോയത്. കാറിന് വേണ്ടിയുള്ള അന്വേഷണം പോലീസ് തുടരുന്നതിനിടെയാണ് വീടിന്റെ മുന്നിലെ വഴിയില് കാര് കിടക്കുന്നത് കണ്ടത്. തിങ്കളാഴ്ച രാവിലെയാണ് സംഭവം. 50 കിലോമീറ്റര് പോലും കാർ ഓടിച്ചിട്ടില്ല. ഒന്നും കാറിനുള്ളില് നിന്ന് മോഷ്ടിച്ചിട്ടില്ല. എന്നാൽ കാറിനുള്ളില് ഒട്ടുപാലിന്റെ അംശം കണ്ടെത്തിയിരുന്നു. കാര് ഉപയോഗിച്ചത് മോഷ്ടിച്ച റബര്ഷീറ്റ് കൊണ്ടു പോകാൻ ആയിരിക്കും എന്നാണ് നിഗമനം.