32 ലക്ഷം കണ്ടല ബാങ്കില്; നല്കാതെ ചികിത്സയും ശസ്ത്രക്രിയയും മുടങ്ങി
1012 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം കണ്ടല സര്വ്വീസ് സഹകരണ ബാങ്കില് പണം നിക്ഷേപിച്ചവരുടെ പ്രതിഷേധവും സങ്കടവും. ഒരു ആയൂഷ് കാലത്തെ സമ്പാദ്യം മുഴുവന് നിക്ഷേപിച്ചവര് ഇപ്പോള് കരഞ്ഞും കേണും ബാങ്കില് കയറിയിറങ്ങുകയാണ്. വിദേശത്ത് ജോലി ചെയ്ത് സ്വരുക്കൂട്ടിയ 32 ലക്ഷത്തോളം രൂപ രണ്ടുവര്ഷത്തേക്ക് നിക്ഷേപിച്ച ജയശീലന് ഇപ്പോള് ഭാര്യയുടെ ചികിത്സയ്ക്ക് പണമില്ലാതെ നട്ടംതിരിയുന്നു. ജയശീലന്റെ ഭാര്യ ലളിതയ്ക്ക് നട്ടെല്ലിന് ശസ്ത്രക്രിയ വേണമെന്ന് ഡോക്ടര്മാര് നിര്ദ്ദേശിച്ചതോടെയാണ് ജയശീലന് നിക്ഷേപ തുക പിന്വലിക്കാന് എത്തിയത്. പക്ഷെ ബാങ്കിലെത്തിയപ്പോള് പണമില്ല എന്നായിരുന്നു മറുപടി. ഇതിനെ തുടര്ന്ന് മുഖ്യമന്ത്രിക്കും സഹകരണ രജിസ്ട്രാര്ക്കും പരാതി നല്കി. അടിയന്തിരമായി ജയശീലന് പണം മടക്കി നല്കാന് മുഖ്യമന്ത്രിയുടെ ഓഫീസ് മറുപടിയും നല്കി. എന്നാൽ പണം നല്കില്ല എന്ന നിലപാടാണ് ബാങ്ക് പ്രസിഡന്റ്, സെക്രട്ടറി എന്നിവര് പറയുന്നത്.