അനധികൃത പന്നിവളർത്തൽ: ശയനപ്രദക്ഷിണവുമായി നാട്ടുകാർ
അനധികൃതമായി പന്നിവളർത്തുന്നത് മൂലം ഒരു പ്രദേശം മുഴുവൻ ദുരിതത്തിൽ ആയിരിക്കുകയാണ്. പൂവച്ചൽ പഞ്ചായത്തിനാണ് ഈ അവസ്ഥയുള്ളത്. ഇവിടെ അനധികൃതമായി പന്നി വളർത്തുന്ന ഒട്ടേറെ ഫാമുകളാണുള്ളത്. പലതവണ ഇക്കാര്യത്തിൽ പരാതി നൽകിയിട്ടുണ്ടെങ്കിലും ഇതുവരെ നടപടിയൊന്നും എടുത്തിട്ടില്ല. മാത്രമല്ല ഇപ്പോൾ പരാതി നൽകുന്നവരെ ഫാമുടമകൾ ഭീഷണിപ്പെടുത്തുകയും ചെയ്യുന്നതാണ് ആരോപണം ഉയരുന്നത്. നിയമത്തിന്റെ മറവ് പറ്റിയാണ് ഇത്തരത്തിലുള്ള ഫാമുകൾ നടത്തിവരുന്നത്. ഇതിനെതിരെ പ്രദേശവാസികൾ ഇപ്പോൾ ശയനപ്രദക്ഷിണ സമരം നടത്തിയിരിക്കുകയാണ്. ഒപ്പം പഞ്ചായത്ത് സെക്രട്ടറിക്ക് വീണ്ടും പരാതി നൽകിയിട്ടുമുണ്ട്. അനധികൃതമായ പന്നിഫാമുകൾ മൂലം ഇവിടുത്തെ ജനങ്ങൾക്ക് സാംക്രമിക രോഗങ്ങളും പകർച്ചവ്യാധികളും പടരുകയാണ്. പല ഫാമുകളും ലൈസൻസ് ഇല്ലാതെ പ്രവർത്തിക്കുന്നതായാണ് ആരോപണം.