നബീസ ഉമ്മാളിന് നാടിന്റെ യാത്രാമൊഴി | Nabeesa Ummal
1028 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂകേരളത്തിലെ അറിയപ്പെടുന്ന അധ്യാപികയും, പ്രാസംഗികയും മുൻ എം എൽ എ യുമായ ബഹുമുഖ പ്രതിഭ നബീസ ഉമ്മാളിന് നാടിന്റെ അന്ത്യാഞ്ജലി. നെടുമങ്ങാട് വാളിക്കോട് പള്ളി ഖബർസ്ഥാനിൽ നടന്ന കബറടക്കത്തിൽ പങ്കെടുക്കാൻ ജാതി, മത വ്യത്യാസമില്ലാതെ ശിഷ്യഗണങ്ങളും പൊതുപ്രവർത്തകരും തടിച്ചു കൂടി. കേരളത്തിന്റെ സാംസ്കാരിക മേഖലയിലും, അധ്യാപന മേഖലയിലും സജീവമായിരുന്ന പേരായിരുന്നു നബീസ ഉമ്മാളിന്റേത്. വിവിധ ഭാഷകളിൽ അഗാധമായ അറിവുണ്ടായിരുന്നു, വിപുലമായ ശിഷ്യസമ്പത്തുണ്ടായിരുന്ന, കേരളത്തിലെ പ്രമുഖ കോളേജുകളിൽ പ്രൊഫസറായിരുന്നു, പ്രഭാഷകയും, എം എൽ എ യുമായിരുന്ന വ്യക്തിയാണ് നബീസ ഉമ്മാൾ. ഖുർ ആനും, ബൈബിളും, ഉപനിഷത്തുക്കളും സ്വായത്തമാക്കിയ, വാഗ്മിയും, സാമൂഹിക പ്രവർത്തകയുമായിരുന്ന അധ്യാപിക. തിരുവനന്തപുരം യൂണിവേഴ്സിറ്റി കോളേജിന്റെ പ്രിൻസിപ്പാൾ ആയിട്ടാണ് നബീസ ഉമ്മാൾ വിരമിക്കുന്നത്. റിട്ടയര്മെന്റിന് ശേഷമാണ് സാമൂഹിക പ്രവർത്തകയായ നബീസയെ നാട് കാണുന്നത്. ഒരുവേള ഒറ്റ ദിവസം പത്തോളം പ്രഭാഷണങ്ങൾ നടത്തിയ ചരിത്രം വരെ പറയാനുള്ള പ്രതിഭയാണ് വിട വാങ്ങിയത്.