സാമൂഹ്യവിരുദ്ധര് തല്ലി തകര്ത്ത സ്കൂൾ സന്ദര്ശിച്ച് മന്ത്രി വി ശിവന്കുട്ടി | V Sivankutty
1008 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂസാമൂഹ്യവിരുദ്ധര് തല്ലി തകര്ത്ത സ്കൂൾ സന്ദര്ശിച്ച് മന്ത്രി വി ശിവന്കുട്ടി. തിരുവനന്തപുരം നാവായിക്കുളം ഗവണ്മെന്റ് എച്ച്എസ്എസ് വിദ്യാലയമാണ് കഴിഞ്ഞദിവസം രാത്രിയില് സാമൂഹ്യവിരുദ്ധര് തല്ലി തകര്ത്തത്. ഇന്ന് ഉച്ചയോടെയാണ് വിദ്യാഭ്യാസ വകുപ്പ് മന്ത്രി വിദ്യാലയത്തില് എത്തിയത്. സംസ്ഥാനത്തിന്റെ പൊതുസ്വത്താണ് ഇവർ നശിപ്പിച്ചിരിക്കുന്നത് എന്ന് മന്ത്രി പറഞ്ഞു. പ്രതികളായവരെ എത്രയും വേഗം പിടികൂടാന് വേണ്ട നടപടികള് സര്ക്കാര് തലത്തില് സ്വീകരിക്കുമെന്നും മന്ത്രി കൂട്ടിച്ചേർത്തു. പൊതു വിദ്യാലയങ്ങളില് റെക്കോര്ഡിങ് സൗകര്യം ഉള്ള സിസിടിവി സ്ഥാപിക്കുന്ന കാര്യം ആലോചനയില് ഉണ്ടെന്നും ശിവന്കുട്ടി പറഞ്ഞു. സ്കൂളിനു നേരെ ആക്രമണം ഉണ്ടായത് നാവായിക്കുളം ശങ്കരനാരായണസ്വാമി ക്ഷേത്രത്തിലെ ഉത്സവത്തോടനുബന്ധിച്ചുള്ള ഉരുള്ഘോഷയാത്ര നടന്ന രാത്രിയിലാണ്. സ്കൂളിലെ സിസിടിവി ക്യാമറകളും ക്ലാസ് മുറികളും ജനൽ ചില്ലുകളും സ്മാര്ട്ട് ക്ലാസ്സ് റൂമിലെ പ്രോജക്ടറുകളും ജല ശുദ്ധീകരണ ഉപകരണങ്ങളും ലൈറ്റുകളും എല്ലാം നശിപ്പിച്ചു.