The accused scared the police: പോലീസിനെ ഭീഷണിപ്പെടുത്തി പ്രതി
പോലീസിനെ ഭീഷണിപ്പെടുത്തി കുപ്രസിദ്ധ കുറ്റവാളിയായ കഴക്കൂട്ടം സ്വദേശി ലിയോൺ ജോൺസൺ. തെളിവെടുപ്പിനിടെ വീണ്ടും കുറ്റം ചെയ്യുമെന്നായിരുന്നു ഭീഷണി. മാരക ലഹരി വസ്തുവായ എംഡിഎംഎ കൈവശംവെച്ച കേസിൽ കസ്റ്റഡിയിൽ വാങ്ങി തെളിവെടുപ്പ് നടത്തുന്നതിനിടെയാണ് പ്രതി ലിയോൺ ജോൺസൺ പോലീസ് സംഘത്തെ വെല്ലുവിളിച്ചത്.ബോംബേറും വധശ്രമവും വീണ്ടും ചെയ്യുമെന്ന് കഴക്കൂട്ടം പോലീസിനോട് പ്രതി പറഞ്ഞു. മുതലപ്പൊഴി വിഷയവുമായി ബന്ധപ്പെട്ട് മുഖ്യമന്ത്രിക്കെതിരെ ഫേസ്ബുക്ക് പോസ്റ്റിട്ടതിന് ലിയോണിനെതിരെ തുമ്പ പോലീസ് നേരത്തേ കേസെടുത്തിരുന്നു. നെഹ്റു ജങ്ഷനിൽ വീട്ടിൽകയറി ഭീഷണിപ്പെടുത്തിയ കേസിലാണ് തുമ്പ പോലീസ് ലിയോണിനെയും കഴക്കൂട്ടം സ്വദേശി വിജേഷിനെയും പിടികൂടിയത്.നിരവധി വധശ്രമം, ബോംബേറ്, കഞ്ചാവ്, അടിപിടി കേസുകളിലെ പ്രതിയാണ് ലിയോൺ. 2022 ഏപ്രിലിൽ തുമ്പയിൽ രാജൻ ക്ലീറ്റസിന്റെ കാൽ ബോംബെറിഞ്ഞ് തകർത്ത കേസിൽ ലിയോൺ മുഖ്യ പ്രതിയായിരുന്നു. മാസങ്ങൾക്ക് മുൻപ് കാപ്പ അറസ്റ്റിൽ ജയിൽവാസം കഴിഞ്ഞിറങ്ങിയത്തിന്റെ പിന്നാലെയാണ് ഇയാൾ വീണ്ടും അക്രമത്തിന് പോയത്. അന്ന് ഇയാളെ ആയുധങ്ങളുമായി കഠിനംകുളം പോലീസും പിടികൂടിയിരുന്നു.