Aruvikkara Accident: കെഎസ്ആര്ടിസി ബസും ബൈക്കും കൂട്ടിയിടിച്ചു; യുവാക്കൾക്ക് ദാരുണാന്ത്യം
1050 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം അരുവിക്കരയിൽ നടന്ന വാഹനാപകടത്തിൽ കെഎസ്ആര്ടിസി ബസും ബൈക്കും കൂട്ടിയിടിച്ച് രണ്ട് യുവാക്കൾ മരണപ്പെട്ടു. അരുവിക്കര സ്വദേശികളായ ഷിബിന്, നിധിന് എന്നിവരാണ് മരിച്ചത്. അരുവിക്കര പഴയ പൊലീസ് സ്റ്റേഷനു സമീപമായിരുന്നു സംഭവം നടന്നത്. വെള്ളനാട്ടില് നിന്ന് കിഴക്കേക്കോട്ടയിലേക്ക് പോവുകയായിരുന്ന കെഎസ്ആര്ടിസി ബസും ബൈക്കുമാണ് കൂട്ടിയിടിച്ചത്. ഗുരുതരമായി പരിക്കേറ്റ ഇരുവരെയും മെഡിക്കല് കോളജ് ആശുപത്രിയില് എത്തിച്ചെങ്കിലും ജീവൻ നഷ്ടമാവുകയായിരുന്നു. അരുവിക്കര ജംക്ഷനില്നിന്ന് ഡാമിലേക്ക് പോകുന്ന ഇറക്കത്തിലായിരുന്നു അപകടം നടന്നത്. ബൈക്ക് വരുന്നതു കണ്ട് ബസ് ഡ്രൈവര് വശത്തേക്ക് ഒതുക്കിയെങ്കിലും ബസിന്റെ പുറകിലിടിച്ച് രണ്ടുപേരും റോഡിലേക്ക് തെറിച്ചു വീഴുകയായിരുന്നു. ഇവർക്ക് ഹെല്മറ്റ് ഉണ്ടായിരുന്നില്ലെന്ന് നാട്ടുകാർ പറഞ്ഞു. അപകടത്തിനു പിന്നാലെ ഇരുവരെയും ആശുപത്രിയിലെത്തിച്ചെങ്കിലും രക്ഷിക്കാനായില്ല. ബസിലെ രണ്ട് യാത്രികാർക്കും പരിക്ക് പറ്റിയിട്ടുണ്ട്. സംഭവത്തില് അരുവിക്കര പൊലീസ് കേസെടുത്തു.