Heavy Rain: കനത്ത മഴ: തിരുവനന്തപുരം നഗരത്തില് വെള്ളക്കെട്ട്
1028 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം ജില്ലയിൽ കനത്ത മഴതുടരുന്ന സാഹചര്യത്തിൽ തിരുവനന്തപുരം നഗരത്തിൽ പലയിടത്തും വെള്ളക്കെട്ട് രൂപപ്പെട്ടു. പലയിടത്തും വീടുകളില് വെള്ളം കയറി. ഇന്നലെ രാത്രി മുതല് പെയ്ത ശക്തമായ മഴയിലാണ് താഴ്ന്ന പ്രദേശങ്ങളില് വെള്ളം കയറിയത്. ഇരുചക്രവാഹനങ്ങള്ക്ക് കടന്നുപോകാന് കഴിയാത്ത അവസ്ഥയാണ്. ചരിത്രത്തിലാദ്യമായി ടെക്നോപാര്ക്കിലും വെള്ളം കയറി. തെറ്റിയാര് കരകവിഞ്ഞതോടെ ടെക്നോപാര്ക്ക് ഫെയ്സ് 3 യ്ക്ക് സമീപം ഗായത്രി ബില്ഡിങിലേക്കാണ് വെള്ളം കയറിയത്. ഫേസ് ത്രീ കാംപസിന് സമീപം ഹോസ്റ്റലില് നിരവധി പെണ്കുട്ടികള് കുടുങ്ങി. ഇവരെ രക്ഷപ്പെടുത്താനുള്ള നടപടികള് പുരോഗമിക്കുകയാണ്. ശ്രീകാര്യത്ത് കനത്ത മഴയില് സംരക്ഷണഭിത്തി തകര്ന്ന് വീടിനു മുകളില് പതിച്ചു. ഗുലാത്തി ഇന്സ്റ്റിറ്റ്യൂട്ട് ഓഫ് ഫിനാന്സ് ആന്ഡ് ടാക്സേഷന്റെ പിന്ഭാഗത്തെ മതിലാണ് സമീപത്തെ നാല് വീടുകള്ക്ക് മുകളിലേക്ക് പതിച്ചത്. ആര്ക്കും പരിക്കേറ്റിട്ടില്ല. അതേസമയം, സംസ്ഥാനത്ത് തുലാവര്ഷം അതിശക്തമാവുകയാണ്. തെക്ക് - കിഴക്കന് അറബിക്കടലിനും മധ്യ - കിഴക്കന് അറബിക്കടലിനും മുകളിലായി ചക്രവാതച്ചുഴി നിലനില്ക്കുന്നതിനാലാണ് മഴ ശക്തി പ്രാപിക്കുന്നത്.