Anoop Lottery Winner: ഇത്തവണത്തെ ഓണം ബമ്പർ ഭാഗ്യശാലികൾക്ക് നിർദേശങ്ങളുമായി മുൻ ഭാഗ്യശാലി
1026 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂഈ വർഷത്തെ തിരുവോണം ബമ്പർ നറുക്കെടുപ്പിന് ഇനി മണിക്കൂറുകൾ മാത്രം ബാക്കി നിൽക്കെ പുതിയ ഭാഗ്യശാലികൾകുള്ള നിർദേശങ്ങളുമായി വാർത്തകളിൽ നിറയുകയാണ് കഴിഞ്ഞ തവണത്തെ 25 കോടിയുടെ ഭാഗ്യശാലിയായ അനൂപ്. ലോട്ടറി ഭാഗ്യം കടാക്ഷിച്ചാൽ പിന്നീട് ശത്രുക്കളുടെ എണ്ണം കൂടുമെന്നും ബന്ധുക്കൾ പോലും ശത്രുക്കളാകുന്ന സ്ഥിതിയായി മാറുമെന്നും അനൂപ് പറഞ്ഞു.വിജയികൾ ഒരിക്കലും പൊതുസമൂഹത്തിന് മുന്നിൽ വരരുതെന്നാണ് തന്റെ അഭിപ്രാ യാമെന്നും . ബന്ധുക്കളും സുഹൃത്തുക്കളുമൊക്കെ സഹായം ചോദിക്കും. ഒന്ന് രണ്ട് തവണ സഹായിക്കാം. പിന്നെ നമുക്ക് അതിന് സാധിച്ചില്ലെങ്കിൽ അതോടെ പിണക്കവും ശത്രുതയുമാകുമെന്നും അനൂപ് വ്യക്തമാക്കി .25 കോടി അടിച്ചതിൽ പതിനഞ്ച് കോടി എഴുപത് ലക്ഷമാണ് ആദ്യം ലഭിച്ചത് .മൂന്ന് കോടി രൂപയോളം കേന്ദ്ര ടാക്സ് കൊടുത്തു. എല്ലാം കഴിഞ്ഞ് 12 കോടി എഴുപത്തിയഞ്ച് ലക്ഷമാണ് കയ്യിൽ കിട്ടിയത്. വീടും സ്ഥലവും വാങ്ങി .ഒരു ലോട്ടറി കട തുടങ്ങിയിട്ടുണ്ടെന്നും ബാക്കി ബാങ്കിൽ സ്ഥിര നിക്ഷേപമിട്ടിട്ടുണ്ടെന്നും അനൂപ് പറഞ്ഞു.ഇന്ന് ഉച്ചയ്ക്ക് രണ്ട് മണിക്ക് 25 കോടിക്ക് അർഹമായ ആ ഭാഗ്യ നമ്പർ അറിയാനാകും. കേരള ലോട്ടറി ചരിത്രത്തിലെ ഏറ്റവും വലിയ സമ്മാനത്തുകയുമായി എത്തുന്ന ബമ്പർ എടുക്കാൻ ലോട്ടറി ഷോപ്പുകളിൽ എല്ലാം വൻ തിരക്കാണ് അനുഭവപ്പെട്ടുകൊണ്ടിരിക്കുന്നത്. കഴിഞ്ഞ വർഷം മുതൽ 500 രൂപയാണ് തിരുവോണം ബമ്പറിന്റെ ടിക്കറ്റ് നിരക്ക് .കഴിഞ്ഞ വർഷത്തെ അപേക്ഷിച്ച് ഇത്തവണ റെക്കോർഡ് വിൽപ്പനയാണ് നടന്നത് . കഴിഞ്ഞ ദിവസം വരെയുള്ള കണക്ക് പ്രകാരം 71.5 ലക്ഷം ടിക്കറ്റുകൾ വിറ്റഴിഞ്ഞിട്ടുണ്ട്. ഇന്ന് ഉച്ചയോടെ 80 ലക്ഷം ടിക്കറ്റുകൾ വിറ്റുപോകുമെന്നാണ് കരുതുന്നതെന്നും. ഇതര സംസ്ഥാനക്കാരുൾപ്പെടെ നിരവധി പേർ ടിക്കറ്റെടുത്ത് പോകുന്നുണ്ടെന്നും ലോട്ടറി കച്ചവടക്കാർ പറഞ്ഞു .