Nano Sculpture: പ്രധാനമന്ത്രിയുടെ ഈ ശില്പം അത്ഭുതപ്പെടുത്തും, നീളം അഞ്ച് മില്ലിമീറ്റർ മാത്രം; കരവിരുത്
1036 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂനാനോ ആർട്ടിലൂടെ അഞ്ച് മില്ലിമീറ്റർ മാത്രം നീളമുള്ള പ്രധാനമന്ത്രി നരേന്ദ്ര മോദിയുടെ ശില്പം നിർമിച്ചിരിക്കുകയാണ് ഡോ. ഗണേഷ് സുബ്രഹ്മണ്യൻ. ഈ നാനോ ശില്പത്തിന്റെ ഭംഗി ആസ്വദിക്കണമെങ്കിൽ മൈക്രോസ്കോപ്പിലൂടെ തന്നെ നോക്കണം. ലെൽസിലൂടെ മാത്രം കാണാൻ കഴിയുന്ന ഈ ശില്പം പ്രധാനമന്ത്രി നരേന്ദ്ര മോദിക്ക് സമ്മാനിക്കാനുള്ള ശ്രമത്തിലാണ് നാനോ ശില്പി ഡോ ഗണേഷ് സുബ്രഹ്മണ്യൻ. ക്ലേയിലും വാട്ടർ കളറിലും നിർമ്മിച്ച ഈ ശില്പം മൊട്ട് സൂചിക്ക് മുകളിൽ നിൽക്കുന്നത് പോലെ ലെൻസിൽ ഘടിപ്പിച്ച് ഫ്രയിമിന്റെ അകത്ത് സൂക്ഷിച്ചിരിക്കുകയാണ്. സ്വർണത്തരികളിൽ നഗ്നനേത്രങ്ങൾ കൊണ്ടുപോലും കാണാൻ കഴിയാത്തത്രയും ചെറിയ ശില്പങ്ങൾ നിർമിക്കുന്ന ഡോ ഗണേഷ് സുബ്രഹ്മണ്യൻ നേരത്തെ തന്നെ വാർത്തകളിൽ ഇടം നേടിയ ആളാണ്. മോതിരത്തിനുള്ളിൽ ശ്രീപത്മനാഭ സ്വാമിയുടെ അനന്തശയനം, കടുകുമണിയോളം പോന്ന നടരാജ വിഗ്രഹം ഇങ്ങനെ നീളുകയാണ് ഈ നാനോ ആർട്ടിസ്റ്റിന്റെ കരവിരുതുകൾ. വർഷങ്ങളായുള്ള സൂക്ഷമ പരിശ്രമമാണ് ഗണേശ് സുബ്രഹ്മണ്യത്തിന്റെ ശില്പങ്ങൾക്ക് പിന്നിലുള്ളത്. ആദ്യമായി നിർമിച്ചത് അനന്തശയന ശില്പമായിരുന്നു. 3.5 മില്ലീമീറ്റർ മാത്രം വലിപ്പത്തിൽ സ്വർണത്തരിയിലായിരുന്നു ശില്പ നിർമാണം. തിരുവിതാകൂർ രാജകുടംബാഗമായ ഉത്രാടം തിരുനാൾ മാർത്താണ്ഡവർമ്മയ്ക്ക് സമ്മാനമായി നൽകാനായിരുന്നു ഈ ശില്പത്തിന്റെ നിർമാണം.