ട്രെയിൻ തീവെപ്പിൽ പ്രതി പിടിയിലായത് സ്ഥിരീകരിച്ച് ഡിജിപി അനിൽകാന്ത്
1012 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂആലപ്പുഴ- കണ്ണൂർ എക്സിക്യൂട്ടീവ് ട്രെയിനിൽ ആളുകളുടെ ദേഹത് പെട്രോൾ ഒഴിച്ച് തീ കൊളുത്തിയ പ്രതി പിടിയിലായെന്ന് സ്ഥിരീകരിച്ച് ഡിജിപി അനിൽകാന്ത്. പ്രതി ഷാരൂഖ് സെയ്ഫിയെ ഉടൻ കേരളത്തിലേക്കു കൊണ്ടുവരുമെന്ന് സംസ്ഥാന പൊലീസ് മേധാവി പറഞ്ഞു. പ്രതിയെ എത്രയും വേഗം കേരളത്തിലെത്തിക്കും. ഇതുമായി ബന്ധപ്പെട്ട് മഹാരാഷ്ട്ര ഡിജിപിയുമായി ബന്ധപ്പെടുന്നുണ്ടെന്നും ഡിജിപി അറിയിച്ചു. മഹാരാഷ്ട്ര തീവ്രവാദ വിരുദ്ധ സ്ക്വാഡ് കേന്ദ്ര ഇന്റലിജൻസ് ഏജൻസികളുടെയും മഹാരാഷ്ട്ര പൊലീസിന്റെയും സഹായത്തോടെയാണ് പ്രതിയെന്നു സംശയിക്കുന്ന ഷാരൂഖ് സെയ്ഫിനെ മഹാരാഷ്ട്രയിലെ രത്നഗിരിയിൽനിന്നു കസ്റ്റഡിയിലെടുത്തതെന്നും അദ്ദേഹം അറിയിച്ചു. കേസുമായി ബന്ധപ്പെട്ട കൂടുതൽ വിവരങ്ങൾ പിന്നീടു മാധ്യമങ്ങളെ അറിയിക്കുമെന്നും അദ്ദേഹം വ്യക്തമാക്കി. അതേസമയം, ഷാരൂഖ് സെയ്ഫിയുമായി ബന്ധപ്പെട്ട കൂടുതൽ വിശദാംശങ്ങൾ വെളിപ്പെടുത്താൻ അദ്ദേഹം തയാറായില്ല. വിശദമായ അന്വേഷണത്തിനു ശേഷം മാത്രമേ ഇക്കാര്യങ്ങളെക്കുറിച്ച് പറയാനാകൂ എന്നായിരുന്നു ഡിജിപിയുടെ പ്രതികരണം.