Anil Antony: നരേന്ദ്ര മോദി നയിക്കുന്ന ഭാരതത്തിൽ അഴിമതിക്കാർ പച്ചപിടിക്കില്ല - അനിൽ ആന്റണി
1009 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂസംസ്ഥാന സർക്കാരിനെതിരെ രൂക്ഷ വിമർശനവുമായി ബിജെപി നേതാവ് അനിൽ ആന്റണി. ഇടത് ഭരണത്തില് വളര്ന്നത് അഴിമതിയും ക്രമക്കേടും വര്ഗീയ ധ്രുവീകരണങ്ങളുമാണെന്ന് അനിൽ ആന്റണി പറഞ്ഞു. കൊറോണ കാലത്തും, പിന്നെ കിറ്റിലും, പി എസ് സിയിലും വരെ അഴിമതി നടത്തിയ ഇടത് പക്ഷം ഒടുവിലിപ്പോള് സാധാരണക്കാരുടെ നിക്ഷേപങ്ങള് വരെ കൊള്ളയടിച്ചു കൊണ്ട് പോകുന്നുവെന്നും അദ്ദേഹം ആരോപിച്ചിരുന്നു. കണ്ടല സഹകരണ ബാങ്കിലെ നിക്ഷേപകരുടെ പണം തിരികെ നല്കണമെന്നും പ്രതികളെ അറസ്റ്റ് ചെയ്യണം എന്നും ആവശ്യപ്പെട്ട് ബിജെപി ജില്ലാ അധ്യക്ഷന് ബാങ്കിന് മുന്നില് നടത്തുന്ന ഉപവാസ സമരം ഉദ്ഘാടനം ചെയ്തു സംസാരിക്കുകയായിരുന്നു ബിജെപി ദേശീയ സെക്രട്ടറിയായ അനില് കെ ആന്റണി. കരുവന്നൂരും കണ്ടലയും ഒറ്റപ്പെട്ട സംഭവം അല്ല നൂറു കണക്കിന് ബാങ്കുകളുടെ ഉദാഹരണം ആണ്. കോണ്ഗ്രസ് നേതൃത്വം നല്കുന്ന ബാങ്കുകളിലും സമാന സംഭവങ്ങള് അരങ്ങേറുന്നത് കൊണ്ട് ഇത് ചോദ്യം ചെയ്യാന് കോണ്ഗ്രസും തയാറാകുന്നില്ല. പിന്വാതില് നിയമനവും കൊള്ളയും നടത്തി ധൂര്ത്തടിച്ച് ജീവിക്കുകയാണ് ഇടതുപക്ഷം എന്നും സാധാരണക്കാര്ക്ക് ഒപ്പം നീതിക്കായി അവര്ക്ക് സംരക്ഷണം നല്കി ബിജെപി ഉണ്ടാകുമെന്നും അനില് ആന്റണി കാട്ടാക്കടയില് പറഞ്ഞു. നരേന്ദ്ര മോദി നയിക്കുന്ന ഭാരതത്തില് അമിത് ഷാ അഭ്യന്തര മന്ത്രി ആയുള്ള ഭാരതത്തില് അഴിമതിക്കാരും തീവ്രവാദികളും ഒന്നും പച്ച പിടിക്കില്ല എന്നും അദ്ദേഹം കൂട്ടിച്ചേര്ത്തു.