Puthupally Election: പ്രചാരണ പ്രവർത്തനങ്ങൾ സജീവമാക്കി കോൺഗ്രസ്
1026 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂപുതുപ്പള്ളി ഉപതെരഞ്ഞെടുപ്പിൽ പ്രചാരണ പ്രവർത്തനങ്ങൾ സജീവമാക്കി യുഡിഎഫ്. പ്രചാരണ പ്രവർത്തനങ്ങളുടെ ഭാഗമായി സോഷ്യൽ മീഡിയയിൽ ചാണ്ടി ഉമ്മൻ്റെ പോസ്റ്ററുകൾ സജീവമായി പ്രചരിപ്പിക്കുന്ന യുഡിഎഫ് സംഘം ചുവരെഴുത്തും തുടങ്ങി കഴിഞ്ഞു. ചാണ്ടി ഉമ്മൻ്റെ പേര് പ്രഖ്യാപിച്ചപ്പോൾതന്നെ യുഡിഎഫ് പ്രവർത്തകർ പ്രചാരണം ആരംഭിച്ചിരുന്നു.ബുധനാഴ്ച രാത്രിതന്നെ സോഷ്യൽ മീഡിയയിൽ ചാണ്ടി ഉമ്മൻ്റെ പോസ്റ്ററുകൾ പങ്കുവെച്ചാണ് കോൺഗ്രസ് പ്രവർത്തകർ പ്രചാരണ പരിപാടികൾക്ക് തുടക്കം കുറിച്ചത്. തെരഞ്ഞെടുപ്പ് പ്രചാരണങ്ങളെല്ലാം പുതുപ്പള്ളി പള്ളിയിൽ പ്രാർത്ഥിച്ച് തുടങ്ങിയിരുന്ന ഉമ്മൻചാണ്ടിയുടെ ശീലം തുടർന്ന് മകൻ ചാണ്ടി ഉമ്മൻ. പിതാവിൻ്റെ കല്ലറയിൽ പ്രാർഥിച്ച ചാണ്ടി ഉമ്മൻ മുതിർന്ന കോൺഗ്രസ് നേതാവായ എകെ ആൻ്റണിയെ സന്ദർശിക്കുകയും ചെയ്തു. സഹതാപം വോട്ട് ആക്കേണ്ട ആവശ്യമില്ലെന്ന് തെരഞ്ഞെടുപ്പിൻ്റെ ചുമതലയുള്ള കെസി ജോസഫ് അഭിപ്രായപ്പെട്ടു. സ്വർണനൂലിൽ കെട്ടിയിറക്കിയ ആളല്ല ചാണ്ടി ഉമ്മനെന്നും ഉമ്മൻ ചാണ്ടിയുടെ മകനായതു കൊണ്ട് അവസരം കിട്ടാതെ പോയ ആളാണ് അദ്ദേഹമെന്നും പ്രതിപക്ഷ നേതാവ് വിഡി സതീശൻ പറഞ്ഞു.പുതുപ്പള്ളിയിൽ വികസനമുരടിപ്പെന്ന് എൽഡിഎഫ് ആരോപിക്കുമ്പോൾ 53 വര്ഷത്തെ മണ്ഡലത്തിലെ ഉമ്മൻ ചാണ്ടിയുടെ പ്രവർത്തനങ്ങൾ എണ്ണിപ്പറഞ്ഞ് വോട്ടാക്കാനുള്ള ശ്രമത്തിലാണ് യുഡിഎഫ്. കോട്ടയം ജില്ലാ കമ്മറ്റിയംഗമായ ജെയ്ക് സി തോമസ് ആണ് എൽഡിഎഫ് സ്ഥാനാർഥി. ബിജെപി സ്ഥാനാർഥിയെ ഇതുവരെ പ്രഖ്യാപിച്ചിട്ടില്ല. സെപ്തംബർ അഞ്ചിനാണ് പുതുപ്പള്ളി മണ്ഡലത്തിലെ വോട്ടെടുപ്പ്. സെപ്തംബർ എട്ടിന് ഫലം പ്രഖ്യാപനം നടക്കും. നാമനിർദേശ പത്രിക സമർപ്പിക്കാനുള്ള അവസാന തീയതി ആഗസ്റ്റ് 17നാണ്.