Thiruvananthapuram By-Election: തിരുവനന്തപുരത്ത് സിപിഎമ്മിന്റെ സിറ്റിങ് സീറ്റ് പിടിച്ചെടുത്ത് ബിജെപി
1040 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരത്ത് നടന്ന ഉപതെരഞ്ഞെടുപ്പിൽ ബിജെപിക്ക് ജയം. അരുവിക്കര മണമ്പൂർ വാർഡിൽ ബിജെപി സ്ഥാനാർഥി സി അർച്ചനയാണ് വിജയിച്ചത്. സിപിഎമ്മിൻ്റെ സിറ്റിങ് സീറ്റാണ് ബിജെപി സ്വന്തമാക്കിയത്. 173 വോട്ടിൻ്റെ ഭൂരിപക്ഷത്തിലാണ് അർച്ചന വിജയിച്ചത്. ചൊവ്വാഴ്ച നടന്ന വോട്ടെടുപ്പിൽ വാർഡിൽ 88 ശതമാനായിരുന്നു പോളിങ് രേഖപ്പെടുത്തിയത്. 1221 വോട്ടിൽ 1042 വോട്ട് പോൾ ചെയ്തു. ബിജെപി സ്ഥാനാർഥി സി അർച്ചന, എൽഡിഎഫ് സ്ഥാനാർഥി എസ് കൃഷ്ണകുമാരി, യുഡിഎഫ് സ്ഥാനാർഥി എസ് രാധിക, എഎപി സ്ഥാനാർഥി ഷൈനി വിജയ എന്നിവരായിരുന്നു വാർഡിൽ നിന്നും മത്സരിച്ചത്. ബിജെപിക്കായി മത്സരിച്ച സി അർച്ചനയ്ക്ക് 553 വോട്ടാണ് നേടാൻ സാധിച്ചത്. എൽഡിഎഫിലെ എസ് കൃഷ്ണകുമാരിക്ക് 380 വോട്ടും യുഡിഎഫിലെ എസ് രാധികയ്ക്ക് 94 വോട്ടും എഎപിക്കായി മത്സരിച്ച ഷൈനി വിജയയ്ക്ക് 15 വോട്ടുമാണ് കിട്ടിയത്. 2020ൽ 222 വോട്ടിന്റ ഭൂരിപക്ഷത്തിൽ സിപിഎം അംഗം വിജയിച്ച വാർഡാണിത്.