കെഎസ്ആർടിസി ഓട്ടോയിൽ ഇടിച്ച് നവജാത ശിശു ഉൾപ്പെടെ മൂന്ന് പേർ മരിച്ചു
1009 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂതിരുവനന്തപുരം പള്ളിപ്പുറം പുഴുത്തിരിയാവട്ടത്ത് ദേശിയ പാതയിൽ നിയന്ത്രണം വിട്ട കെഎസ്ആർടിസി ബസ് ഓട്ടോയിൽ ഇടിച്ച് കയറി മൂന്ന് മരണം. ഓട്ടോയിലുണ്ടായിരുന്ന നവജാത ശിശു ഉൾപ്പെടെയാണ് മരിച്ചത്. വർക്കല മണമ്പൂർ സ്വദേശികളായ ഓട്ടോ ഡ്രൈവർ സുനിൽ, ശോഭ, നവജാത ശിശു എന്നിവരാണ് മരിച്ചത്. ഗുരുതര പരിക്കുകളോടെ മറ്റ് മൂന്ന് പേരെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. നവജാത ശിശുവിൻ്റെ മൃതദേഹം കഴക്കൂട്ടത്തെ സ്വകാര്യ ആശുപത്രിയിലാണ് സൂക്ഷിച്ചിരിക്കുന്നത്. മറ്റ് രണ്ട് പേരുടെ മൃതദേഹങ്ങൾ സൂക്ഷിച്ചിരിക്കുന്നത് മെഡിക്കൽ കോളേജ് മോർച്ചറിയിലുമാണ്. ഇന്നലെ രാത്രി 8.45 ഓടെയാണ് അപകടം ഉണ്ടായത്. അപകടത്തിൽ ഓട്ടോ പൂർണമായും തകർന്നു. ഓട്ടോയിൽ കുരുങ്ങിയവരെ അഗ്നിശമന സേനയും നാട്ടുകാരും ചേർന്നാണ് പുറത്തെടുത്ത് ആശുപത്രിയിലെത്തിച്ചത്.