ksrtc Tourism: 50 വർഷങ്ങൾക്ക് ശേഷം കെഎസ്ആർടിസി ബസിൽ ഉല്ലാസയാത്ര സംഘടിപ്പിച്ച് പൂർവ്വ വിദ്യാർത്ഥി കൂട്ടായ്മ
1008 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂ50 വർഷങ്ങൾക്ക് ശേഷം കെഎസ്ആർടിസി ബസിൽ ഉല്ലാസയാത്ര സംഘടിപ്പിച്ച് പൂർവ്വ വിദ്യാർത്ഥി കൂട്ടായ്മ. ഗവൺമെന്റ് കോളേജിലെ പ്രീ - ഡിഗ്രി 1988 - 90 ബാച്ചിലെ പൂർവ്വ വിദ്യാർത്ഥികളാണ് യാത്ര സംഘടിപ്പിച്ചത്. വാട്ട്സ് ആപ്പ് കൂട്ടായ്മയായ 'ഒരിക്കൽ കൂടി ' ടീമാണ് കെ എസ് ആർ ടി സി ബസ് ഉല്ലാസയാത്രക്കായി തെരഞ്ഞെടുത്തത്. ആക്കോട്ടുപാറ നെടുങ്ങാട് ഗവൺമെന്റ് കോളേജിൽ നിന്നും പൊൻമുടി, മീൻമൂട്ടി വെള്ളച്ചാട്ടം, മങ്കയം ആനക്കയം, കല്ലാർ എന്നിവിടങ്ങളിലേയ്ക്ക് "അൻപതാണ്ടിന്റെ നിറവിൽ ആനവണ്ടിയിൽ ഒരു ദിനം" എന്ന പേരിൽ ആനന്ദ യാത്ര സംഘടിപ്പിച്ചത്. കെ എസ്ആർടിസി വിതുര ഡിപ്പോയുടെ കട്ട് ചെയ്സ് ബസിലാണ് യാത്ര പോയത്. പഴയ കാല നെടുമങ്ങാടൻ കോളേജ് വിഭവങ്ങൾ ആയിരുന്ന വാഴയിലയിൽ പൊതിഞ്ഞെടുത്ത നാടൻ ചമ്മന്തിയും , കടുമാങ്ങാ അച്ചാറും , പുളിയും മുളകും , മുട്ട പൊരിച്ചതും, മീൻ വറുത്തതും , കപ്പ കറിയും, നെയ്ച്ചോറും ചിക്കനും അടങ്ങിയ പൊതിച്ചോറ് തുടങ്ങി വിഭവങ്ങളും യാത്രയുടെ പ്രത്യേകതയായിരുന്നു. രാവിലെ 8 മണിക്ക് ആക്കോട്ടു പാറയിൽ നിന്നും തിരിച്ച യാത്ര വൈകുന്നേരം 7.30 ന് ആക്കോട്ടുപാറയിൽ സമാപിച്ചു. കെഎസ്ആർടിസി ബസ് ഇതുപോലുള്ള ടൂറുകൾ ഇനിയും സംഘടിപ്പിക്കണമെന്നും മറ്റുള്ള വിനോദ യാത്രകർക്ക് ഇത് പ്രചോദനമാകുക എന്ന ലക്ഷ്യം കൂടി ഈ യാത്രയിലുണ്ടെന്നും സംഘാടകർ പറഞ്ഞു.