Pinarayi Vijayan: 'ഞാൻ അഭിമാനിക്കുന്നു'; മുഖ്യമന്ത്രിക്ക് കത്തെഴുതി മുത്തച്ഛൻ
1094 views
തിരുവനന്തപുരം വീഡിയോസ് സബ്സ്ക്രൈബ് ചെയ്യൂമുഖ്യമന്ത്രി പിണറായി വിജയന് അഭിനന്ദന കത്തെഴുതി 105 വയസുള്ള ജെയിംസ് മുത്തച്ഛൻ. തന്റെ നാട്ടിൽ മഹാസർവകലാശാല അനുവദിച്ചതിനാണു മുത്തച്ഛൻ അഭിനന്ദന കത്തയച്ചത്. “ഞാൻ അഭിമാനിക്കുന്നു. എൻ്റെ നാടിന് മഹാസർവകലാശാല അനുവദിച്ചതിന്. മുഖ്യമന്ത്രിക്ക് എൻ്റെ അഭിനന്ദനങ്ങൾ....” എന്നാണ് കത്തിൽ എഴുതിയിരിക്കുന്നത്. ഈ മാസം 22 ന് കാട്ടാക്കട മണ്ഡലത്തിൽ നടക്കുന്ന നവകേരള സന്ദസിന് ക്ഷണിക്കാൻ അഡ്വ ഐ ബി സതീഷ് എംഎൽഎയും സംഘാടകരും വസതിയിൽ എത്തിയപ്പോഴാണ് എംഎൽഎയ്ക്ക് കത്ത് നൽകിയത്. കുശലം പറച്ചിലിനിടെ പാട്ട് പാടി കേൾപ്പിച്ചും തന്നെ തേടി എത്തിയവരെ സന്തോഷിപ്പിക്കാനും മുത്തച്ഛൻ മറന്നില്ല. സ്കൂളിൽ പോയിട്ടില്ലാത്ത ജെയിംസ് 2022 ൽ നടന്ന തുല്യതാ പരീക്ഷയിൽ 150 ൽ 150 മാർക്കും നേടി വിജയിച്ചു. അതോടെ മുത്തഛൻ പ്രായത്തിൽ മാത്രമല്ല പരീക്ഷയിലും ഒന്നാമനാവുകയായിരുന്നു.