കണി കണ്ട് അയ്യപ്പ ഭക്തർ
1021 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂവിഷുപ്പുലരിയിൽ വൻ സന്നിധാനത്ത് ഭക്തജനത്തിരക്ക്. പുലർച്ചെ തന്ത്രി മഹേഷ് മോഹനരുടെ സാനിധ്യത്തിൽ മേൽ ശാന്തി എസ്.ജയരാമൻ പോറ്റി നട തുറന്ന് അയ്യപ്പന് ആദ്യം കണി ദർശനം നൽകി.തുടർന്ന് പതിനെട്ടാം പടി കയറി കാത്തു നിന്ന ഭക്തർക്കും ദർശന ഭാഗ്യം നൽകി. പുലർച്ചെ നാല് മുതൽ ആരംഭിച്ച വിഷുക്കണി ദർശനം 7 30 വരെ നീണ്ടു.അപ്പോഴും ഭക്തരുടെ നിര വലിയ നടപ്പന്തലിനും പുറത്തായിരുന്നു. അയ്യപ്പനെ കണി കാണിച്ച ശേഷം തന്ത്രിയും മേൽശാന്തിയും ചേർന്ന് ഭക്തർക്ക് വിഷുക്കൈനീട്ടവും നൽകി.വിഷു തലേന്ന് പടിപൂജ, കളഭാഭിഷേകം എന്നിവ നടന്നു. തന്ത്രി കണ്ഠര് മഹേഷ് മോഹനര് കാർമികത്വം വഹിച്ചു. സന്നിധാനത്തെ ഭക്തി സാന്ദ്രമാക്കിയ സന്ധ്യയിൽ ശരണം വിളികൾ നിറഞ്ഞ അന്തരീക്ഷത്തിലായിരുന്നു പടിപൂജ. 18 പടിയിലും അനുഷ്ടാന ചടങ്ങുകൾ നടത്തി തന്ത്രിയുടെ കാർമികത്വത്തിൽ സമർപ്പണം നടത്തി . പടിപൂജ കണ്ടുതൊഴാൻ തീർഥാടകർ കാത്തു നിന്നിരുന്നു.. കിഴക്കേ മണ്ഡപത്തിൽ കലശം പൂജിച്ച് വാദ്യമേളങ്ങളോടെ ആഘോഷമായി എഴുന്നള്ളിച്ചായിരുന്നു ശ്രീകോവിലിലേക്കുള്ള കളഭം എഴുന്നെള്ളിപ്പും അഭിഷേകവും നടന്നത്. വിഷു ഉത്സവ ചടങ്ങുകൾ പൂർത്തിയാക്കി 19 ന് രാത്രി ഹരിവരാസനം പാടി നട അടക്കും.