അച്ചൻകോവിലാറ്റിൽ രണ്ടു കുട്ടികൾ മുങ്ങിമരിച്ചു
1007 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂഞായറാഴ്ച ഉച്ചയോടെ അച്ചൻകോവിലാറ്റിലെ വെട്ടൂർ കടവിൽ കുളിക്കാനിറങ്ങിയ രണ്ടു കുട്ടികൾ മുങ്ങിമരിച്ചു. വെട്ടൂർ സ്വദേശികളായ അഭിരാജ്, ഋഷി അജിത് എന്നിവരാണ് മരിച്ചത്. ഫുട്ബോൾ കളി കഴിഞ്ഞ് അച്ചൻകോവിലാറ്റിൽ കുളിക്കാനിറങ്ങിയതാണ് ഏഴംഗ സംഘം. ഒരു കുട്ടി മുങ്ങിത്താഴ്ന്നപ്പോൾ മറ്റൊരാൾ രക്ഷിക്കാനായി ശ്രമിച്ചു. ഇതോടെ ഇരുവരും അപകടത്തിൽപ്പെടുകയായിരുന്നു. കൂടെയുണ്ടായിരുന്നവർ രക്ഷപ്പെടുത്താൻ ശ്രമിച്ചെങ്കിലും ഫലമുണ്ടായില്ല. ഇരുവരെയും മുങ്ങിയെടുത്തത് ഫയർ ഫോഴ്സ് നടത്തിയ തെരച്ചിലിലാണ്. രണ്ടുപേരെയും പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.