മോഷ്ടാവിനെ പിടികൂടാനായത് രഹസ്യാന്വേഷണ വിഭാഗം ഉദ്യോഗസ്ഥന്റെ സമയോചിത ഇടപെടലിൽ
1012 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂഅന്തർ ജില്ലാ കാണിക്കവഞ്ചി മോഷ്ടാവ് ഒടുവിൽ കുടുങ്ങി. രഹസ്യാന്വേഷണ വിഭാഗം പോലീസ് ഓഫീസറുടെ കൃത്യമായ ഇടപെടൽ മൂലമാണ് വിദഗ്ദ്ധനായ അമ്പലമോഷ്ടാവ് മാത്തുകുട്ടിയെ പിടികൂടാനായത്. ചോറ്റാനിക്കര കുരിക്കാട് ശ്രീകൃഷ്ണ സ്വാമി ക്ഷേത്രത്തിന്റെ കാണിക്കവഞ്ചി പൊളിച്ച് പണം അപഹരിച്ച് ചാക്കിലാക്കി ട്രെയിനിലും ബസിലും ഓട്ടോയിലുമായി കോഴഞ്ചേരിയിലെത്തിയ മോഷ്ടാവാണ് കുടുങ്ങിയത്. സ്പെഷ്യൽ ബ്രാഞ്ച് പോലീസ് ഉദ്യോഗസ്ഥനായ സീനിയർ സിവിൽ പോലീസ് ഓഫീസർ സജിത്ത് രാജിന്റെ ഫോണിലേക്ക് വന്ന കോളാണ് നിർണായകമായത്. ചാക്കുനിറയെ നോട്ടുകെട്ടുമായി ഒരാൾ ബസിൽ കയറിപ്പോവുന്നു എന്നാണ് സജിത്ത് രാജിന്റെ ഫോണിൽ വിളിച്ചയാൾ പറഞ്ഞത്. സ്വകാര്യ ബസിലും ഓട്ടോയിലും ആണ് അമ്പലവഞ്ചിമോഷ്ടാവ് ചന്തക്കടവ് എത്തിയത്. തുടർന്ന് ആറന്മുള പോലീസ് നടത്തിയ നീക്കത്തിലാണ് അമ്പലവഞ്ചിമോഷ്ടാവ് പോലീസ് വലയിൽ കുടുങ്ങിയത്.