മേട വിഷു ഉത്സവത്തിനായി ശബരിമല നട തുറന്നു
1025 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂമേട വിഷു ഉത്സവത്തിനായി ശബരിമല നട തുറന്നു. മേടമാസ പൂജകളും വിഷു ഉത്സവത്തിനൊപ്പം നടക്കും. ചൊവ്വാഴ്ച വൈകുന്നേരം 5 മണിക്ക് മേൽശാന്തി കെ ജയരാമൻ നമ്പൂതിരി തിരുനട തുറന്ന് ദീപങ്ങൾ തെളിയിച്ചു. തുടർന്ന് പതിനെട്ടാം പടി ഇറങ്ങി ആഴിയിൽ അഗ്നി പകർന്നതോടെ ഇരുമുടിക്കെട്ടേന്തിയ അയ്യപ്പ ഭക്തർ പതിനെട്ടാം പടി ചവിട്ടി ദർശനം നടത്താൻ ആരംഭിച്ചു. ബുധനാഴ്ച മുതൽ 19 വരെയുള്ള ദിവസങ്ങളിൽ പതിവ് പൂജകളും അഭിഷേകവും പ്രത്യേക വഴിപാടുകളും നടക്കും. ഏപ്രിൽ 15ന് ആണ് വിഷുക്കണി ദർശനം. അന്ന് പുലർച്ചെ 4 മണിക്ക് നട തുറക്കും. തുടർന്ന് വിഷുക്കണി ദർശനവും കൈനീട്ടവും നൽകും. അതേസമയം മണ്ഡല - മകരവിളക്ക് തീർത്ഥാടനം കഴിഞ്ഞാൽ ശബരിമലയിൽ ഏറ്റവുമധികം ഭക്തർ എത്തിച്ചേരുന്നത് വിഷുക്കാലത്താണ്, അതുകൊണ്ടു തന്നെ തിരക്ക് നിയന്ത്രിക്കാൻ സന്നിധാനം, പമ്പ, നിലക്കൽ എന്നിവിടങ്ങളിൽ ഉയർന്ന റാങ്കിലുള്ള മൂന്ന് പോലീസ് ഉദ്യോഗസ്ഥരുടെ മേൽനോട്ടത്തിൽ സുരക്ഷാ ക്രമീകരണങ്ങൾ ഒരുക്കിയിട്ടുണ്ട്.