പത്തനംതിട്ടയിൽ ഓറഞ്ച് അലേർട്ടും അതീവ ജാഗ്രതാ നിർദ്ദേശവും
1021 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂപത്തനംതിട്ടയിൽ അതിശക്തമഴ തുടരുന്ന സാഹചര്യത്തിൽ ഓറഞ്ച് അലർട്ടും അതീവ ജാഗ്രതാ നിർദ്ദേശവും തുടരുകയാണ്. മലയോര മേഖലയിൽ മുൻകരുതലിന്റെ ഭാഗമായി ഗവിയിലേക്കുള്ള യാത്ര തടഞ്ഞു. റാന്നി അരയാഞ്ഞിലിമൺ - കുറുമ്പൻ മൂഴി കോസ്വേകൾ പൂർണ്ണമായും വെള്ളം കയറി, ഇതോടെ അക്കരെയുള്ള 500 ൽ അധികം കുടുംബങ്ങൾ ഒറ്റപ്പെട്ടു. കിഴക്കൻ മേഖലയിൽ കനത്ത മഴ തുടരുന്നതിനാൽ നദികളിൽ ജലനിരപ്പ് ഉയരുന്നുണ്ട്. റാന്നിയിൽ കനത്ത മഴയാണ് പെയ്യുന്നത്. ഇത് പമ്പാ നദിയിലെ ജല നിരപ്പ് കൂടുതൽ ഉയരുന്നതിന് കാരണമാകും. ഇത്തരത്തിൽ മഴ തുടർന്നാൽ രാത്രിയോടെ റാന്നിയിലെ താഴ്ന്ന പ്രദേശങ്ങളിലേക്ക് വെള്ളം കയറുമെന്നാണ് ലഭിക്കുന്ന സൂചന. അതേസമയം അടുത്ത 24 മണിക്കൂറിനുളളിൽ 115.6 മുതൽ 204.4 മില്ലീ മീറ്റർ വരെ മഴ ലഭ്യമാകുമെന്ന് കേന്ദ്ര കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ് ലഭിച്ചു. മലയോര മേഖലയിൽ അതിജാഗ്രതാ നിർദ്ദേശമാണ് നൽകിയിരിക്കുന്നത്.