Bus Accident: കെഎസ്ആർടിസി ബസുകൾ കൂട്ടിയിടിച്ചു; 60 യാത്രക്കാർക്ക് പരിക്ക്
1011 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂകെ എസ് ആർ ടി സി ബസുകൾ തമ്മിലടിച്ച് 60 യാത്രക്കാർക്ക് പരുക്ക്. പത്തനംതിട്ട അടൂർ റൂട്ടിൽ കൈപ്പട്ടൂർ കടവ് ജംഷനിലാണ് ബസ്സുകൾ തമ്മിൽ കൂട്ടിയിടിച്ചത്. ബുധനാഴ്ച വൈകുന്നേരം 3: 15 ഓടെയാണ് സംഭവം. മുണ്ടക്കയത്തു നിന്ന് തിരുവനന്തപുരത്തേക്ക് പോയ ഫാസ്റ് പാസഞ്ചർ ബസ്സും തിരുവനന്തപുരത്ത് നിന്നും പത്തനംതിട്ടയിലേക്ക് വരികയായിരുന്ന കെ എസ് ആർ ടി സി ബസുമാണ് കൂട്ടിയിടിച്ചത്. പരിക്കേറ്റ 36 പേരെ പത്തനംതിട്ട ജനറൽ ആശുപത്രിയിലും 22 പേരെ അടുർ ജനറൽ ആശുപത്രിയിലും 2 പേരെ സ്വകാര്യ ആശുപത്രിയിലും പ്രവേശിപ്പിച്ചിരിക്കുകയാണ്. ഗുരുതരമായി പരിക്കേറ്റ ഒരാളെ കോട്ടയം മെഡിക്കൽ കോളേജിലാണ് ചികിത്സയിലുള്ളത്. അശ്രദ്ധമായ ഡ്രൈവിങ്ങാണ് അപകടകാരണമെന്ന് യാത്രക്കാർ പറഞ്ഞു. അതേസമയം, അപകടത്തിൽ പരിക്കേറ്റ് ചികിത്സയിൽ കഴിയുന്നവരെ പത്തനംതിട്ട ജനറൽ ആശുപത്രിയിലെത്തി മന്ത്രി വീണാ ജോർജ് സന്ദർശിച്ചു.