ശബരിമലയിൽ പ്രതിഷ്ഠാദിനം 30 |Sabarimala
ശബരിമലയിൽ ഇടവ മാസ പൂജയ്ക്കും ഭക്ത ജന തിരക്ക്. പൂജകൾ പൂർത്തിയാക്കി ശബരിമല നട 19 ന് അടക്കും. അയ്യപ്പ സ്വാമി ദർശനത്തിനായി ഭക്തർ മല ചവിട്ടുന്നത് കനത്ത ചൂട് വക വയ്ക്കാതെ ആണ്. അയ്യപ്പസ്വാമിക്കു നടന്ന ലക്ഷാർച്ചന, കളഭാഭിഷേകം, പടിപൂജ തുടങ്ങിയവ കണ്ടു തോഴാൻ നൂറു കണക്കിന് ഭക്തരാണ് കാത്തു നിന്നിരുന്നത്. തിരക്ക് മൂലം മേൽ പാലത്തിലും ഭക്തർക്ക് ഏറെ നേരം കാത്തുനിൽക്കേണ്ടി വന്നു. തന്ത്രി കണ്ഠര് മഹേഷ് മോഹനരുടെ കാർമികത്വത്തിൽ പൂജ നടന്നു. പ്രതിഷ്ഠാ ദിന പൂജകൾക്കായി മെയ് 29 ന് വൈകുന്നേരം ശബരിമല നട വീണ്ടും തുറക്കും. പ്രതിഷ്ഠാ ദിനം 30 ന് ആണ്.