Sabarimala: ശബരിമലയിലെ ശർക്ക കരാർ എടുത്തിരുന്ന കമ്പനി പിന്മാറി; പുതിയ ടെണ്ടർ ക്ഷണിച്ച് ദേവസം ബോർഡ്
1006 views
പത്തനംതിട്ട വീഡിയോസ് സബ്സ്ക്രൈബ് ചെയ്യൂശബരിമലയിലെ ശർക്കര എത്തിക്കാനായി കരാർ എടുത്തിരുന്ന കമ്പനി പിന്മാറി. ഇതോടെ പുതിയ കരാർ നൽകാനായി പുതിയ ടെണ്ടർ ക്ഷണിച്ച് ദേവസം ബോർഡ്. 20 ലക്ഷം കിലോ ശർക്കര ഈ സീസണിൽ ശബരിമലയിലേക്ക് നൽകാമെന്ന കരാർ ഏറ്റെടുത്തിരുന്ന മഹാരാഷ്ട്രയിൽ നിന്നുള്ളവരാണ് പിന്മാറിയത്. മഹാരാഷ്ട്രയിൽ ശർക്കരയ്ക്ക് വില വർധിച്ചെന്ന കാരണം പറഞ്ഞ് കരാർ കമ്പനി പിന്മാറിയത്. നിലവിൽ പത്ത് ലക്ഷത്തോളം കിലോ ശർക്കര സ്റ്റോക്ക് ഉണ്ടെങ്കിലും ഉടനെ അടുത്തഘട്ടം സന്നിധാനത്തേക്ക് വരേണ്ടതുണ്ടെന്ന് ദേവസം ബോർഡ് അറിയിച്ചു.തിരക്ക് മൂലം ഇവ കൂടുതലായി ഓടിക്കാൻ കഴിയില്ല. അരവണ, അപ്പം എന്നിവ ഉണ്ടാക്കുന്നതിനാണ് പ്രധാനമായും ശർക്കര ആവശ്യമായി വരുന്നത്. 40 ലക്ഷം കിലോ ശർക്കരയാണ് ഇത്തവണ വേണ്ടി വരുകയെന്നാണ് കണക്കാക്കുന്നത്. സീസൺ ആരംഭിക്കുന്നതിനു വളരെ മുൻപ് തന്നെ ദേവസ്വം ബോർഡ് ടെൻഡർ നടപടികൾ ആരംഭിക്കുകയും ഉറപ്പിക്കുകയും ചെയ്തിരുന്നു. എന്നാൽ, ശർക്കര വില കുറവായിരുന്ന സമയത്തായിരുന്നു ഇതെന്നാണ് കരാറുകാർ ചൂണ്ടിക്കാണിച്ചത്. ദേവസ്വം ബോർഡ് ടെൻഡർ നടപടികൾ പൂർത്തിയാക്കി വന്നപ്പോഴേക്കും ഉത്തരേന്ത്യയിൽ ശർക്കര വില കൂടി. ഇതോടെ ദേവസ്വം ബോർഡ് കരാർ ഉറപ്പിച്ച കമ്പനി പിന്മാറുകയായിരുന്നു. പുതിയ ടെൻഡർ ഈ മാസം 29 വരെ ബോർഡിൽ സമർപ്പിക്കാൻ കഴിയും. തുടർന്ന്, 30ന് ടെൻഡർ തുറക്കുമെന്ന് ദേവസം ബോർഡ് അറിയിച്ചു