വീട്ടിൽ സ്ഫോടനം, ഒരാൾ മരിച്ചു
പാലക്കാട് കേരളശ്ശേരിയിൽ മെയ് ഒന്നിനാണ് സംഭവം. യക്കികാവ് സ്വദേശി അബ്ദുൽ റസാഖിന്റെ വീട്ടിലാണ് സ്ഫോടനം ഉണ്ടായത്. വീടിനോട് ചേർന്നുള്ള ചായ്പ്പിലാണ് സ്ഫോടനം ഉണ്ടായത്. അപകടത്തിൽ ഒരാൾ മരിച്ചു. മരിച്ചയാളെ തിരിച്ചറിയാൻ കഴിഞ്ഞിട്ടില്ല. പടക്ക നിർമ്മാണത്തിന് ലൈസൻസ് ഉള്ളയാളാണ് അബ്ദുൽ റസാഖ്. കേരളശ്ശേരിയിൽ ഇയാൾക്ക് പടക്ക നിർമ്മാണ ഫാക്ടറിയും ഉണ്ട്. എന്നാൽ വീടിനോട് ചേർന്നുള്ള ചായ്പ്പിൽ പടക്കനിർമ്മാണം നടത്തിയിരുന്നോ എന്നത് വ്യക്തമല്ല. സംഭവ സമയം അബ്ദുൽ റസാഖ് മാത്രമാണ് വീട്ടിൽ ഉണ്ടായിരുന്നത്. ഇയാളെ സംഭവം ശേഷം കാണാതായിട്ടുണ്ട്. അപകടത്തിൽ മരിച്ചത് അബ്ദുൽ റസാഖ് ആണോ എന്നും വ്യക്തമല്ല. വിഷയത്തിൽ പോലീസ് അന്വേഷണം ആരംഭിച്ചിട്ടുണ്ട്.palakkadTimesXP MalayalamUpdated: 1 May 2023, 7:17 pm